John 9:7 - Sa Ugud Apudyus

⁷ Ḵanana, “Inḵa daḻ-upan bosaḻnu'tte aammosan ad Siloam.” Sa pion ni ngadane Siloam ḵanan, nibuun. Pun ummoy ḵad nandaḻ-up, naḵaila woḵ ummoyon.

John 9:7 Iomraidhean Croise

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Luke 13:4

Isuna bos da nasawaḻan aḵ waḻu we tagu we natoy atte niḵuḻ-uban ni antaḵnange boḻoy ad Siloam. Atte ḵasomsomḵanyu, nadagdagson basuḻda nu da losane iJerusalem?

Luke 2:32

Isunan silawe allangḻang ta ipailana da pinion Apudyus atta Gentil. Gapu bos ḵan siya, midayaw da tagume ganaḵ Israel.”

John 10:36

Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

John 11:37

Yaḵon ḵanan da udum, “Daḵampun ḵamman aḵ siya naniyat atta atan ni naḵuḻap ḵad ngaipana adi ḵinaan saḵit Lazarus ta adi oḵyan natoy?”

John 9:11

Ḵananae summongbat, “Sa tagu we Jesus ngadanna, tinamayna gabu woḵ impeḵlana'tta ataḵ. Pun ḵanana ḵan saḵon, ‘Inḵa andaḻ-up atte aammosan ad Siloam.’ Ummoyaḵ ḵad nandaḻ-up, naḵailaaḵ.”

John 9:39

Ḵanan Jesus, “Ummaliyaḵ si annae lubung ta ḵuwisoḵ da tagu, ta da naḵuḻap, ḵaanoḵ da ḵuḻapda. Yaḵon da ḵanandae maḵaila, sissiyae naḵuḻapda.”

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.