John 9:41 - Sa Ugud Apudyus

⁴¹ Ḵanan Jesus ḵan dida, “Nu naḵuḻap ḵayu naippun oḵyan ḵabasuḻanyu. Yaḵon sinsadi ye ḵananyu we maḵaila ḵani, sissiya da basuḻyu.”

John 9:41 Iomraidhean Croise

Luke 12:47

“Ibagaḵ ḵan diḵayu ḵatuttuwaan, sa sammilu we igammuna pion ni apuna paḵwa ya adipun ansagana baḵon nu tuttuwaon pionae maḵwa, andagson dusana.

Luke 18:14

Pun ḵanan Jesus we nangiyanungus, “Annaya ibagaḵ ḵan diḵayu, ummoyonda ḵad, sa andadagup atta bugis imbelang Apudyus aḵ ippun basuḻna te pinakawanna. Yaḵon sa Pharisee, adimpun Apudyus pinakawan. Te ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

Hebrews 10:26

Te nu gagaḻ-on taḵu we bumasuḻ si nagangpute inigammu taḵu mipanggob si ḵatuttuwaan, naippun ogon midatun aḵ amapoḻḵas atta basuḻ.

James 4:17

Pun sa tagu we igammuna ustu we maḵwa yaḵon adinapun ḵoon, maḵabasuḻ.