John 8:53 - Sa Ugud Apudyus

⁵³ Nangatngatuḵa ḵamman nu aḵ Abraham we daḵdaḵoḻ taḵu baḵon nu da profetan Apudyus? Natoyda losan. Ngai anomsomḵam si long-agnu?”

John 8:53 Iomraidhean Croise

Matthew 12:6

Yaḵon ibagaḵ ḵan diḵayu, awad sina osae napatpatog nu sa templo.

Matthew 3:9

Adiyu ḵanan atta somsomoḵyu we miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu, aḵ Apudyus lamogna ambalinon da annae batu'ḵ ganaḵ Abraham!

John 10:33

Ḵanan da Judyu we summongbat, “Daḵampun atta ambaḻu we ḵingwam amatuwanni ḵan siḵa nu adi sa nangiyisuwam si long-agnu ḵan Apudyus te taguḵae abus ya nambalinom long-agnu'ḵ Apudyus.”

John 12:34

Pun ḵanan da amode tagu, “Sa igammuni'tte lintog taḵu, aḵ Kristu matagu'ḵ inggana. Pun ngai inonae ḵaname ḵasapuḻane mipangatu Abeng Di Tagu? Ngai ḵad ain annae Abeng Di Tagu?”

John 19:7

Ḵanan da Judyu we summongbat, “Awad de lintogni ye ḵasapuḻane matoy aḵ Jesus te ngannona long-agna'ḵ Abeng Apudyus.”

John 4:12

Aḵ Jacob we daḵdaḵoḻ taḵu, impaḻaḵsunna annae bubun. Ḵad sanat maḻpuwan ni inumona ya sa inumon da abengna ya da ayamna. Nangatngatuḵa ḵamman nu aḵ Jacob?”

John 5:18

Gapu'tte sadi ye imbagan Jesus, amo pion da papangat da Judyu we gongaton. Te daḵampun ay aḵ abus nilisalisna lintog atte umillongan yaḵon imbagana bose aḵ Apudyus Amana ḵad iyisuna long-agna ḵan Apudyus.

John 8:58

Ḵanan Jesus, “Ibagaḵ ḵan diḵayu ḵatuttuwaan, sa daan Abraham miyanaḵan, inninggawaḵ.”

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.