John 7:22 - Sa Ugud Apudyus

²² Innatod Moses lintoge inawatna'tta danaḵḵoḻnae ḵasapuḻane sogyatanyu abengyu we laḻaḵi si ḵumawaḻu we aḻgaw. Pun nu niyaspuḻ ḵumawaḻu we aḻgaw ni abeng atte umillongan, isunae sogyatanyu.

John 7:22 Iomraidhean Croise

Acts 7:8

Pun imbilin Apudyus ḵan Abraham we ḵasapuḻane sogyatanda da abengdae laḻaḵi aḵ sinyal ni intuḻagna ḵan dida. Pun niyanaḵ ḵad aḵ Isaac we abeng Abraham, nasogyatan atte ḵawaḻun aḻgawna. Ḵingwan os Isaac atte abengnae aḵ Jacob, ḵingwan os Jacob atta nasawaḻan aḵ duwae abengnae lallaḻaḵi ye da danaḵḵoḻ taḵu.

Galatians 3:17

Annaya pioḵ ḵanan: Naḵatuḻag aḵ Apudyus ḵan Abraham woḵ inkarinae ituttuwana sanate tuḻag. Sa lintoge naitod atte naḻaḵpus opat gasut ya tuḻumpuḻu we tawon, adimpun ni sanate tuḻag lamog lisalison inkarin Apudyus.