John 7:16 - Sa Ugud Apudyus

¹⁶ Sinongbatan Jesus dida woḵ ḵanana, “Daḵampun aḵ sa somsomoḵḵu maḻpuwan ni ituttuduḵ yaḵon maḻpu ḵan Apudyus we nangibuun ḵan saḵon.

John 7:16 Iomraidhean Croise

John 14:10

Adimpun ḵamman patiyone awadaḵ ḵan Amaḵ ya awad aḵ Amaḵ ḵan saḵon? Sa imbagaḵ ḵan diḵayu, daḵampun aḵ ugudoḵ si ḵuwaḵe ḵaḻabbongan yaḵon sa Ama we iinggaw ḵan saḵon, ḵoona da ḵewaaḻna.

John 14:24

Sa adipun angayat ḵan saḵon, adinapun tuttuwaon ugudḵu. Ḵad sa ugudḵu we dongngonyu, daḵampun aḵ naḻpu ḵan saḵon yaḵon naḻpu ḵan Amaḵ we nangibuun ḵan saḵon.

John 17:14

Intuttuduḵ ḵan dida ugudnu woḵ sasangngaan da tagu we adipun amati ḵan saḵon da disipulu te isuda saḵone daḵampun aḵ nainlubungan ugalida.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 3:11

Ibagaḵ ḵan siḵa ḵatuttuwaan, siya panoḵnoḵanni igammuni ya da innilani yaḵon adiyupun patiyon.

John 3:31

Sa naḻpu si annae luta, ḵuwan ni luta ya abus aḵ ugudona mipanggob atte luta. Sa naḻpu'd langit, siya ḵangatuwan.

John 5:30

Naippun ḵaḻabbongaḵ ḵoon nu abusaḵ. Siya dongngoḵ da ibagan Amaḵ atte inoḵe anḵuwis ḵad ustu anḵuḵuwisḵu te siya unudoḵ pion ni nangibuun ḵan saḵone daḵampun atte pioḵ.”

John 6:44

Naippun tagu'ḵ maḵaali ya amati ḵan saḵon nu adin Amaḵ we nangibuun ḵan saḵon iyadani. Ḵad da amati, taguwoḵ dida ḵasin si anungus ni aḻgaw.

John 8:28

Pun ḵanan Jesus, “Magangput ḵade itaḻayagyu saḵone Abeng Di Tagu atte kros, sadi angigammuwanyu we saḵone mismu sadi. Ḵad sadi bos angigammuwanyu we daḵampun aḵ buttungaḵ da losane ḵooḵ yaḵon da intuttudun Amaḵ da losane ibagaḵ.

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.

Revelation 1:1

Saḵon aḵ John we nangigili si annae iblu atta banage impaigammun Jesu Kristu we ḵasapuḻane madam-an maḵwa. Aḵ Apudyus nangipaigammu ḵan siya ta ipaigammuna bos atta tagu we anserbi ḵan siya. Pun imbuun Kristu anghelna aḵ angipaigammu ḵan saḵone sammiluna.