John 7:12 - Sa Ugud Apudyus

¹² Da nandatdatonge tagu'tte gayagaya, siya uguugudonda mipanggob ḵan Jesus. Ḵanan da udum, “Ambaḻu ugalin Jesus.” Yaḵon ḵanan os da udum, “Lawwelawweng te uḻ-uḻnugana da tagu.”

John 7:12 Iomraidhean Croise

Matthew 10:25

Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

Matthew 21:46

Pun pionda oḵyane doḵmaan aḵ Jesus yaḵon siya iyogyatda da tagu te imbelangda'ḵ Jesus we profeta.

Matthew 27:63

Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’

Luke 18:19

Ḵanan Jesus ḵan siya, “Ngaipam awagan saḵon aḵ ambaḻu? Naippun udum aḵ ambaḻu abus aḵ Apudyus.

Luke 23:47

Innilan ḵad ni kapitan da suḻdadu da sadi ye naḵwa ḵananae nandayaw ḵan Apudyus, “Tuttuwae naun-unan annae tagu!”

Luke 23:50

Inninggaw laḻaḵi ye nangngadan aḵ Joseph we iyArimathea we osae ili si probinsiya'd Judea. Siya ḵad, ambaḻu ya naun-unan, pasigna uuwayon dumaḵngan ni ampangatan Apudyus. Osa'tta ḵuḵunsisaḻ yaḵon adipun ummapyu si nan-uunudan da buḻunna ya sa ḵingwada ḵan Jesus.

Luke 6:45

Isuna ditaḵu, sa ambaḻu we tagu, ambaḻu da ugudona te siya mapopompon atte somsomoḵna. Ḵad sa lawwenge tagu, lawweng os ugudona te siya mapopompon atte somsomoḵna. Te sa mapopompon atta somsomoḵyu, siya bos ugudonyu.”

Luke 7:16

Pun naḵimtan da losane tagu woḵ indaydayawda bos aḵ Apudyus. Ḵananda, “Atopay! Sa annae profeta we ummali ḵan ditaḵu, amod pagay ḵabooḻana!” Ḵanan os da udum, “Ummali'ḵ Apudyus ta badangana ditaḵu we taguna!”

John 6:14

Innilan ḵad da amode tagu da nakaskasdaawe sinyale ḵingwan Jesus ḵananda, “Sana pagay tuttuwae profeta we inkarin Apudyus we umali si annae lubung.”

John 7:32

Dingngoḻ ḵad da Pharisee ye sin-aayumimit da amode tagu mipanggob ḵan Jesus, nangibuun da papangat da papadi ya da Pharisee atta guwaḻdan ni templo ta umoyda doḵmaan aḵ Jesus.

John 7:47

Ḵanan da Pharisee ye summongbat, “Na! Naallelaw ḵayu bos atta imbagana?

John 7:52

Ḵanandae summongbat ḵan siya, “Isum nin naḻpu'tte probinsiya'd Galilee. Singtom si Ugud Apudyus woḵ igammuwome naippun profeta'ḵ naḻpu'tte probinsiya'd Galilee.”

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

Acts 11:24

Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.

Romans 5:7

Naippun nin tagu'ḵ maḻyad matoy para'tte mataguwan ni naun-unane tagu. Yaḵon awad nin da angituḻode angiḵatoy atte tagu we amo naayat.

Philippians 2:14

Da losane ḵoonyu, adi ḵayu ngumonot ḵan maḵasossongbat,