John 5:10 - Sa Ugud Apudyus

¹⁰ Pun ḵanan da papangat da Judyu'tte sadi ye laḻaḵi ye bummaḻu, “Iyadin ni lintog taḵu bubuḵḵudom oboḵnu si umillongan.”

John 5:10 Iomraidhean Croise

Matthew 12:10

Inninggaw tagu we naangḵet imana. Inninggaw os da udume tagu sidi ye pionda pabasuḻon aḵ Jesus. Pun ḵananda ḵan siya, “Iyunud ḵamman ni lintog taḵu nu ḵaanon taḵu da saḵit si umillongan?”

Mark 2:24

Inninggaw da udume Pharisee ye innilada ḵingwada. Ḵananda ḵan Jesus, “Ilam ḵad, ngaipada ḵoon ḵaḵnat? Lisalisonda lintog taḵu we Judyu te an-anida si umillongan.”

Mark 3:4

Pun ḵanan Jesus ḵan dida, “Ngai iyunud ni lintog taḵu si umillongan? Sa ḵoon taḵu ambaḻu baḵon nu sa ḵoon taḵu lawweng? Sa taguwon taḵu da tagu baḵon nu sa dadailon taḵu dida?” Ḵingwada ḵad, gummiginnoḵda.

Luke 13:14

Yaḵon summanga pangat ni sinagoga te sa umillongan ḵinaan Jesus sadi ye saḵit. Pun ḵanan ni pangat atta tagu, “Onom aḻgaw oḵyane abus anḵewaaḻan taḵu. Pun sana oḵyan da aḻgawe umaliyanyu ta paḵaanyu da saḵityu, daḵampun atte umillongan da Judyu.”

Luke 23:56

Pun ummoyonda ta umoyda isagana lana ḵan bangbanglu ta siya asida umoy iyappus si ladag. Yaḵon sa umillongan, ummillongda te siya lintogda.

Luke 6:2

Inninggaw da udume Pharisee ye innilada ḵingwada. Ḵananda ḵan Jesus, “Ngaipada ḵoon ḵaḵnat? Lisalisonda lintog taḵu we Judyu te an-anida si umillongan.”

John 1:19

Annaya tinaḵdoḻan John. Sin-aḻgawan ḵad, imbuun da papangat da Judyu ad Jerusalem da udume papadi ya da udume ganaḵ Levi ta umoyda imuson ḵan John nu ngai'ḵ siya.

John 5:11

Yaḵon ḵanan ni laḻaḵi, “Sa tagu we nangaan atte saḵitḵu nangibagae ḵanana, ‘Bumangonḵa! Aḻam oboḵnu ya anaddaḻanḵa.’ ”

John 5:15

Pune sadi ḵesan laḻaḵi woḵ impaigammuna'tta papangat da Judyu we aḵ Jesus nangaan si saḵitna.

John 5:16

Pun insaḻad da papangat da Judyu we sumasanga ḵan Jesus gapu ta umillongan nangwaana'tte ḵaḵna.

John 7:23

Pun nu sogyatanyu'tte umillongan ta mituttuwa lintog Moses, ngaipa ḵayu sumanga si ḵinaanḵu saḵit ni tagu si umillongan?

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.