John 4:6 - Sa Ugud Apudyus

⁶ Inninggaw bubun Jacob sidi si awe. Gapu'tte ayong Jesus we nanadtaddaḻan, tummuḵdu si daḻnig ni bubun. Annae mumamatuḵ atte sadi.

John 4:6 Iomraidhean Croise

Matthew 27:45

Anna ḵade mumamatuḵ, gummiḵbot losane ili inggana'ḵ ummag-agaw.

Matthew 4:2

Pun nallaun aḵ opatpuḻu we aḻgaw ḵan labi woḵ nauḻauḻat.

Matthew 8:24

Napanos ḵad, baag-en inniggana bali ye ampigsapigsa si sadi ye baybay woḵ nalaḵḻaḵbungan bangkada si tupiyaḵ ya annae milisobda. Yaḵon masusuyop aḵ Jesus.

Luke 2:7

Gapu ta naippun maigawan te napnu da boboḻoy atta tagu, ummoyda'tte iiddungan da baḵa. Pune sadi, nibuḵnag panguḻu we abengnae laḻaḵi. Pun ḵinagoyana woḵ pinaobogna'tte ḵaḵaḵḵanan da baḵa.

Luke 9:58

Ḵanan Jesus, “Da mutit awad da lunguge inggawanda ya da sissiwit awad os da suḵbutda. Yaḵon saḵone Abeng Di Tagu, naippun boḻoyḵu'ḵ iyyaḵ masuyopan.”

John 11:9

Ḵanan Jesus, “Daḵampun ḵamman aḵ nasawaḻan aḵ duwae oras sin-aḻgaw? Nu anaddaḻan tagu si aḻgaw, adipun misaballut te ampadda.

John 4:12

Aḵ Jacob we daḵdaḵoḻ taḵu, impaḻaḵsunna annae bubun. Ḵad sanat maḻpuwan ni inumona ya sa inumon da abengna ya da ayamna. Nangatngatuḵa ḵamman nu aḵ Jacob?”

John 4:5

Pun dummatongda'd Sychar we osae ili'd Samaria ya adani si lutae innatod Jacob si awe ḵan Joseph we abengna.

John 4:7

Da disipuluna ḵad, ummoyda si siyudad ngumina'ḵ ḵanonda. Sibotda ḵad, dummatong bubai ye iSamaria we umoy anaḵdu woḵ ḵanan Jesus ḵan siya, “Ittanaḵ ud aḵ inumoḵ.”

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.