John 4:53 - Sa Ugud Apudyus

⁵³ Pun inḵagasmoḵ ni ama we sadi ustuustu we nangibag-an Jesus ḵan siya ḵanane, “Matagu abengnu.” Pune sadi, siyae mismu ya da ḵabaḻyanna namatida losan ḵan Jesus.

John 4:53 Iomraidhean Croise

Matthew 8:13

Ḵanan Jesus si kapitan, “Mipauliḵa te mituttuwa pinatim.” Pun daguse ḵummosdoḻ sammiluna si sadi ye nangibag-ana.

Luke 19:9

Pun sa ḵanan Jesus atta tagu si mipanggob ḵan Zacchaeus, “Sinsadi, tinagun Apudyus da annae simbaḻyan atte madusaanda'tta basuḻda te tuttuwae ganaḵ os Abraham gapu'tte pammatina.

John 4:51

Mabigat ḵad si sissiya'tte daḻan, inabotna da sammilunae ḵanandae nangibaga ḵan siya, “Natagu abengnu!”

John 4:52

Inimusna ḵad nu ngai ye oras bummaḻuwana ḵananda, “Naḵaan atungna'tte nandangawel akkaḻbiyan.”

Acts 11:14

Siya angibaga ḵan siḵa ya da losane ḵabaḻyannu'tte inonyu we matagu.’

Acts 16:15

Pun nampabonyag aḵ Lydia ya da ḵabaḻyanna. Pun inayagana diḵani woḵ ḵanana, “Nu ibelangyu saḵone tuttuwae namati ḵan Apu, umali ḵayu'ḵ ḵuwani.” Pun impatutna intallay diḵani si boḻoyda.

Acts 16:34

Intallayna da Paul ḵan Silas aḵ ḵuwada woḵ pinaḵanana dida. Pun amod de layad da simbaḻyan gapu'tte namatiyanda ḵan Apudyus.

Acts 18:8

Inggaw aḵ Crispus we pangat atte sinagoga ya namatida losan da ḵabaḻyanna ḵan Apu Jesus. Adu bos da iCorinth we namati si dingngoḻda iwwaḻagawag Paul woḵ nampabonyagda.

Acts 2:39

Te sa annae kari para ḵan diḵayu ya da aabengyu ya da losane awad atta adayu we ili ya da losane pinilin Apudyus.”