John 4:22 - Sa Ugud Apudyus

²² Diḵayu we iSamaria, naippun igammuyu ḵan Apudyus we dayawonyu. Diḵani ḵade Judyu, igammuni te diḵani maḻpuwan ni anagu'tta losane tagu.

John 4:22 Iomraidhean Croise

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Acts 17:23

te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu.

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

Acts 3:26

Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”

Romans 11:18

Yaḵon diḵayu we Gentil we nipasani ḵan dida, ḵasapuḻane ummanyu ta adiyu amsewon da sadi ye naspaḵe panga, sosomḵonyu oḵyane daḵampun ḵan diḵayu amadaḵoḻ si lamutna yaḵon sa lamut amadaḵoḻ ḵan diḵayu.

Hebrews 7:14

Te nalawage naḻpu Apu taḵu'tta ganaḵ Judah ḵad naippun imbagan Moses mipanggob atta ḵinapadin da ganaḵ Judah.