John 3:5 - Sa Ugud Apudyus

⁵ Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

John 3:5 Iomraidhean Croise

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 19:24

Ḵasinḵu ibaga ḵan diḵayu we naḻaslasu lumnoḵan ni camel si abut ni tanud nu sa midog-an ni baḵnang si ampangatan Apudyus.”

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Mark 10:14

Yaḵon summanga'ḵ Jesus woḵ ḵanana, “Iyunudyu we umali da abeng ḵan saḵon. Adiyu paadiyon dida te da tagu we isuda da midoga'tte ampangatan Apudyus.

Mark 16:16

Ngaimane amati ḵan saḵon ya mabonyagan, matagu. Yaḵon sa adipun amati, maḵoddongan aḵ madusa.

Mark 9:47

Ḵad nu sa atam gapun ni maḵabasuḻam, uḵitom. Te unnoyna paḵing atame midoga si ampangatan Apudyus nu sa wadawad duwae atam ya miballuḵa'd infiernu.

Luke 13:24

“Iggayu ḵabooḻanyu we lumnoḵ atte ansuḻpite lewangan ad langit atte sissiyae anna gundawayyu. Te dumatong timpu we iyonob ni simboḻoy lewangan ya amod da angipadas lumnoḵ yaḵon annaya ibagaḵ ḵan diḵayu we ippun maḵaḻnoḵ. Taḵon ay nu asi ḵayu anḵugḵug ya ḵananyu, ‘Apu, buḵtam ud lewangan ta lumnoḵ ḵani.’ Asina ḵanan, ‘Ippun igammuḵ ḵan diḵayu ya sa naḻpuwanyu.’

Luke 13:3

Naid! Annaya ibagaḵ ḵan diḵayu, nu adiyu ibabawi da basuḻyu ya adiyu agaye angwa, madusa ḵayu we ḵama ḵan dida.

Luke 13:5

Naid! Annaya ibagaḵ ḵan diḵayu, nu adiyu ibabawi da basuḻyu ya adiyu agaye angwa, madusa ḵayu we ḵama ḵan dida.”

John 1:13

Sa nambalinanda'ḵ abeng Apudyus, daḵampun aḵ isuna miyanaḵ atte tagu ḵan pion da an-asawa yaḵon naḻpu si ḵabooḻan Apudyus.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 3:4

Ḵanan Nicodemus ḵan siya, “Ngai inon ni tagu we miyanaḵ ḵasin nu naḻaḵay? Maḵwa ḵamman mipauli si buwang inana ta miyanaḵ ḵasin?”

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

1 Corinthians 15:50

Susunudḵu ḵan Kristu, annaya pioḵ ibaga ḵan diḵayu. Sa long-ag taḵu ḵan daḻa taḵu, adidapun gangganason da laḵsunda si midog-anda si ampangatan Apudyus te da long-ag taḵu madadail, adidapun maḵwae midoga'tte igaw da losane matagu'ḵ inggana.

1 Corinthians 2:12

Sinsadi ditaḵu we namati, daḵampun aḵ sa ispiritun da tagu we adipun namati inawat taḵu yaḵon sa Ispiritu we naḻpu ḵan Apudyus ta maawatan taḵu mipanggob atta losane innatod Apudyus ḵan ditaḵu gapu si ḵinabaḻuna.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

Galatians 6:15

Ippun nansabaliyan ni nampasogyat baḵon nu adipun, sa ampatog ḵad sa ambalin taḵu'ḵ baru we tagu.

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

1 Peter 1:2

Pinilin Apudyus we Ama diḵayu mibatay si gagangaye inigammuna woḵ intotoḵḵon diḵayu'ḵ taguna ta bumaḻu ugaliyu mipagapu'tte Ispiritu Santu ta tumuttuwa ḵayu gapu si amatiyanyu ḵan Jesu Kristu ya pumoḻḵas ḵayu mipagapu'tte daḻana si natoyana. Awad oḵyan ḵan diḵayu amode ḵinabaḻu ḵan lin-awae maḻpu ḵan Apudyus.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.