John 3:25 - Sa Ugud Apudyus

²⁵ Angwa ḵad da disipulun John, naḵasossongbatda'tte osae Judyu si mipanggob atte ugalida we pumoḻḵasan.

John 3:25 Iomraidhean Croise

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Mark 7:8

Ḵaḵnat ḵoonyu te nan-awidanyu bilin Apudyus ta siya unudonyu ugalin da tagu.”

John 2:6

Awad de ugalin da Judyu atte pumoḻḵasan. Pun inggaw sidi onome ammutu we batug di opat baḵon nu onom lataan si danum.

Hebrews 6:2

Adiyupun ḵasapuḻan da mapagapagatupane tuttudu mipanggob si bonyag ya sa angipatayan atte ima ya sa ḵasine umuliyan da natoy ḵan annanayune anguwisan Apudyus atta losane tagu.

Hebrews 9:10

Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

Hebrews 9:23

Ḵad losan atta sanae banag isun di iglatun da awad ad langit, ḵad ḵasapuḻane pumoḻḵasda gapu'tte ḵatti ye datun. Yaḵon da awad ad langit, ḵasapuḻane pumoḻḵasdae nabaḻbaḻu we midatun nu da anna.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.