John 3:2 - Sa Ugud Apudyus

² Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 3:2 Iomraidhean Croise

Matthew 22:16

Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Matthew 23:8

“Yaḵon ḵan diḵayu, adiyu iyunude awagan diḵayu'ḵ ‘Mistulu’ te ansusunud ḵayu si pammati ya os-ossaan mistuluyu.

Mark 12:14

Pun dummatongda ḵad ḵananda, “Mistulu, igammuni ye tuttuwa da losane ibagam. Ibagam ustu we adimpun biyangan nu ngai ḵasasaad da tagu. Ḵad igammuni bose ippun laḵsigom aḵ tagu yaḵon siya ituttudum da ḵatuttuwaan mipanggob si pinion Apudyus we ḵoonda. Pun ibagam ud ḵan diḵani nu lisalison taḵu lintog Moses nu ambayad ḵani'tta bugis atte Emperor ad Rome baḵon nu umadini?”

John 1:38

Nantawili ḵad aḵ Jesus, innilana didae mituntun-ud woḵ ḵanana, “Ngai singtonyu?” Ḵananda, “Rabbi” sa piona ḵanan mistulu, “dinu inggawam?”

John 10:38

Yaḵon nu ḵooḵ dida, taḵon ay nu adiyu saḵon patiyon, patiyonyu oḵyan da ḵooḵ ta igammuwonyu ya maawatanyu we sa Ama awad ḵan saḵon ya awadaḵ os ḵan siya.”

John 12:37

Taḵon ay nu adu da nakaskasdaawe sinyale impailan Jesus ḵan dida, sissiyae adidapun amati ḵan siya,

John 14:10

Adimpun ḵamman patiyone awadaḵ ḵan Amaḵ ya awad aḵ Amaḵ ḵan saḵon? Sa imbagaḵ ḵan diḵayu, daḵampun aḵ ugudoḵ si ḵuwaḵe ḵaḻabbongan yaḵon sa Ama we iinggaw ḵan saḵon, ḵoona da ḵewaaḻna.

John 15:24

Naippun oḵyan maḵabasuḻanda nu adiḵ ḵingwa da nakaskasdaawe naippun maḵaḵwa. Yaḵon sinsadi ye innilada, sasangngaanda diḵani ḵan Amaḵ.

John 2:11

Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

John 20:16

Ḵanan Jesus ḵan siya, “Mary!” Nansagung aḵ Mary woḵ ḵanana ḵan siya si Hinebrew, “Rabboni,” sa piona ḵanan Mistulu.

John 3:26

Pun ummoyda ḵan John woḵ ḵananda, “Mistulu, sa tagu we ummali ḵan siḵa si domang ni tawwang Jordan we sa pinanoḵnoḵam, awade ambonyag ḵad losan da tagu umoy ḵan siya.”

John 4:31

Sa ḵesanan ḵad ni bubai, isassaud da disipulun Jesus ḵanane angimus, “Mistulu, anganḵa!”

John 5:36

Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

John 6:2

Amoamod da tagu we nitun-ud ḵan siya te innilada da nakaskasdaawe ḵingwana'tta nasaḵit.

John 7:31

Yaḵon adu da namati ḵan siya woḵ ḵananda, “Sa annae tagu, tuttuwae adu da nakaskasdaawe sinyale ḵingwanae isun ni namnamaon taḵu we ḵoon Kristu nu umali sina.”

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Philippians 1:14

Gapu bos atte nibaḻudaḵ, pummigsa taḻgodda ḵan Apu da ḵaaduwane susunud taḵu ḵan Kristu. Pun adidapun umogyat yaḵon amo tummuḻoddae angiwaḻagawag si Ugud Apudyus.