John 3:14 - Sa Ugud Apudyus

¹⁴ Sa ḵingwan Moses, intayagna gambange sinan-uḻog si inninggawanda'tte bumbummaaw. Sadi isun ni maḵwa ḵan saḵone Abeng Di Tagu we ḵasapuḻane mitaḻayag,

John 3:14 Iomraidhean Croise

Matthew 26:54

Yaḵon nu ḵooḵ ḵatti, ngai inon ni nigili'tte Ugud Apudyus we mituttuwae ḵanana ḵasapuḻane ḵaḵna maḵwa ḵan saḵon?”

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Luke 24:20

Ḵad impuḻang da papangat da papadi ya da angipangat ḵan ditaḵu, indaḻumda ta maḵoddongan aḵ matoy woḵ impaipattoḻda'tte kros.

John 18:32

Naḵwa da anna ta mituttuwa imbagan Jesus si mipanggob atte inonae matoy.

John 6:51

Saḵon maḵane angitod si biyag aḵ ingganae naḻpu'd langit. Ḵad ngaimane angan atte annae maḵan, matagu'ḵ inggana. Sa sanae maḵan, sa long-agḵu we ittoḵ ta matagu da tagu si lubung.”

John 8:28

Pun ḵanan Jesus, “Magangput ḵade itaḻayagyu saḵone Abeng Di Tagu atte kros, sadi angigammuwanyu we saḵone mismu sadi. Ḵad sadi bos angigammuwanyu we daḵampun aḵ buttungaḵ da losane ḵooḵ yaḵon da intuttudun Amaḵ da losane ibagaḵ.

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.