John 21:7 - Sa Ugud Apudyus

⁷ Pun sa disipulu we ay-ayaton Jesus ḵanana ḵan Peter, “Siya'ḵ Apu.” Dingngoḻ ḵad Simon Peter we siya'ḵ Apu, nansilup te namponas si nanḵewaaḻana woḵ pummaytuḵ si baybay.

John 21:7 Iomraidhean Croise

Mark 11:3

Nu awad angimus ḵan diḵayu ḵanane, ‘Ngaipayu uḵasan sanat?’ Ḵananyu we, ‘Ḵasapuḻan ni Apu, ḵad ipaulina sinae dagus.’ ”

Luke 12:35

Pinagatupan Jesus woḵ ḵanana, “Ansasaggana ḵayu oḵyane isun da sammilu we anguuwway si apudae ummoy naḵakasar. Ansisillupda ya tinongganda da silawe anguuway ta buḵatandae dagus onob nu mipauli ya anḵugḵug.

Luke 2:11

Te ḵan diḵayu niyanaḵ sinsadi ye labi sina'tte ili ye niyanaḵan Ari David, aḵ Kristu we Apu.

Luke 7:47

Pun annaya ibagaḵ ḵan diḵayu, gapu'tta ḵingwana ḵan saḵon, mipailae amod de ayatna ḵad napakawan da adu we basuḻna. Yaḵon sa tagu we aḵit basuḻnae napakawan, aḵit os ayatna.”

John 13:23

Sa osa'tta disipulu we ay-ayatona, ansasaḻay si daḻnigna.

John 19:26

Innilan ḵad Jesus inana ya sa ay-ayatonae disipulu we summisiḵad si adani, ḵanana'tte inana, “Ina, annaya ibelangnu'ḵ abengnu.”

John 20:2

Pun nanoddaḵe ummoy ḵan da Simon Peter ya sa osae disipulu we ay-ayaton Jesus woḵ ḵanan Mary ḵan dida, “Innaḻada ladag Apu Jesus ḵad ippun igammuni nu dinu nangiggaanda.”

John 20:20

Imbagana ḵad sana, impailana da imana ya sa butiḵna. Pun nallaylayad da disipuluna si innilada'ḵ Apu.

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

John 21:20

Nantawili'ḵ Peter woḵ innilana disipulu we ay-ayaton Jesus we mituntun-ud ḵan dida. Siya nansaḻay si daḻnig Jesus si nangananda woḵ ḵanana, “Apu, ngai sanate angituyuḵ ḵan siḵa?”

John 21:24

Sana disipulun Jesus we anaḵdoḻ atta sanae banag ya siya bos nangigili. Ḵad igammuni ye tuttuwa da tinaḵdoḻana.

John 21:8

Yaḵon da udume disipulu we natenan si bangka, binutbutda tabuḵuḻe napnu'tta ugadiw te daḵampun aḵ adayuda si taḻantag te umoye singgasute mitro.

Acts 10:36

Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

1 Corinthians 15:47

Sa ummunae tagu iluta te luta naḻpuwana. Yaḵon sa naudi ye tagu ad langit naḻpuwana.

2 Corinthians 5:14

Te sa ayat Kristu angituray ḵan diḵani ye angwa'tta losane ḵoonni. Te igammuni ye sa os-ossaane tagu we aḵ Kristu, natoy para'tta losane tagu ḵad mibelange naḵaḵatoy da losane tagu ḵan siya.

James 2:1

Susunudḵu ḵan Kristu, adiyu laḵlaḵsigon da tagu nu amati ḵayu ḵan Apu Jesu Kristu we madaydayaw ḵan ḵangatuwane Apu.