John 21:16 - Sa Ugud Apudyus

¹⁶ Ḵanan Jesus ḵasin, “Simon we abeng John, ay-ayatom pagay saḵon?” Ḵanan os Peter, “On Apu, igammume ay-ayatoḵ siḵa.” Ḵanan os Jesus, “Pun ayyuwanam da karneroḵ.”

John 21:16 Iomraidhean Croise

Matthew 2:6

“ ‘Diḵayu we awad si ili'd Bethlehem atte saḵubna'd Judea, sa iliyu ḵapatogan si madaydayawe ili'd Judah te da ganaḵyu maḻpuwan ni angipangat ya angayyuwan atta taguḵe ganaḵ Israel.’ ”

Matthew 25:32

Ḵad losane tagu si annae luta, andatdatongda si sinagungḵu ya ansinaoḵ didae isun ni angwan ni angayyuwan atta ayame ansinaona da karnero ya da kalding.

Matthew 26:72

Yaḵon pinuḵlitan os Peter woḵ ḵanana, “Sapat-aḵ ay nu igammuḵ sadi ye tagu.”

Luke 19:10

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

John 18:17

Ḵanan ni bubai ye inggaw si lewangan ḵan Peter, “Daḵampun ḵad ain aḵ osaḵa'tta disipulun Jesus?” Ḵanan Peter, “Daḵanaḵpun.”

John 18:25

Sisiḵad ḵad aḵ Simon Peter we an-anidu ḵananda, “Daḵampun ḵad ain aḵ siḵa osa'tta disipulun Jesus?” Pinuḵlitan os Peter woḵ ḵanana, “Daḵanaḵpun.”

John 21:17

Pun impiḵlun Jesus ḵanan ḵan siya, “Simon we abeng John, ay-ayatom pagay saḵon?” Pun nasuḻsuḻdung aḵ Peter te piḵlunae nangimus ḵan siya we ḵanana, “Ay-ayatom pagay saḵon?” Ḵanan Peter, “Apu, igammum da losan. Ḵad igammume ay-ayatoḵ siḵa.” Ḵanan Jesus ḵasin, “Ayyuwanam da karneroḵ.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.

1 Peter 5:2

Annaya da bilinḵu ḵan diḵayu. Ummanyu ayyuwanan da tagun Apudyus we intaḻgodna ḵan diḵayu we isudan karnero. Adi ḵayu oḵyan mapattupattut yaḵon allaylayad ḵayu oḵyane angayyuwan ḵan dida te sadi pinion Apudyus. Ḵoonyu ḵewaaḻyu we daḵampun aḵ gapu si angamgamanyu si pilaḵ yaḵon gapu si ayatyu we anserbi ḵan Apudyus ya da buḻunyu.

Revelation 7:17

Te sa Ubbu we Karnero we awad si gaggawan ni trono, siya anangḵon ḵan dida. Ḵad ipuyutna dida'tte bubune maḻpuwan ni danume angitod si biyag. Ḵad punasan os Apudyus losan da luwada.”