John 20:2 - Sa Ugud Apudyus

² Pun nanoddaḵe ummoy ḵan da Simon Peter ya sa osae disipulu we ay-ayaton Jesus woḵ ḵanan Mary ḵan dida, “Innaḻada ladag Apu Jesus ḵad ippun igammuni nu dinu nangiggaanda.”

John 20:2 Iomraidhean Croise

John 13:23

Sa osa'tta disipulu we ay-ayatona, ansasaḻay si daḻnigna.

John 19:26

Innilan ḵad Jesus inana ya sa ay-ayatonae disipulu we summisiḵad si adani, ḵanana'tte inana, “Ina, annaya ibelangnu'ḵ abengnu.”

John 20:13

Ḵananda ḵan Mary, “Bubai, ngaipaḵa umibiibil?” Ḵanana ḵan dida, “Te innaḻada ladag Apuḵ ḵad naippun igammuḵ nu dinu nangiggaanda ḵan siya.”

John 20:15

Ḵanan Jesus ḵan siya, “Bubai, ngaipaḵa umibiibil? Ngai singsingtom?” Ḵanampun Mary nu sa angayyuwan atte mumuḻḻaan woḵ ḵanana, “Apu, nu intallaynu, ibagam nu dinu nangiggaam ta iyyaḵ aḻan.”

John 20:9

Te sa sadi ye timpu, daandapun maawatan nigili ye Ugud Apudyus we ḵananae ḵasapuḻane umuli'ḵ Jesus.

John 21:20

Nantawili'ḵ Peter woḵ innilana disipulu we ay-ayaton Jesus we mituntun-ud ḵan dida. Siya nansaḻay si daḻnig Jesus si nangananda woḵ ḵanana, “Apu, ngai sanate angituyuḵ ḵan siḵa?”

John 21:24

Sana disipulun Jesus we anaḵdoḻ atta sanae banag ya siya bos nangigili. Ḵad igammuni ye tuttuwa da tinaḵdoḻana.

John 21:7

Pun sa disipulu we ay-ayaton Jesus ḵanana ḵan Peter, “Siya'ḵ Apu.” Dingngoḻ ḵad Simon Peter we siya'ḵ Apu, nansilup te namponas si nanḵewaaḻana woḵ pummaytuḵ si baybay.