John 2:22 - Sa Ugud Apudyus

²² Pun ummuli ḵad aḵ Jesus, inḵagasmoḵ da disipuluna sanae imbagana. Pun namatida si nigili ye Ugud Apudyus mipanggob ḵan siya ya tuttuwa da imbagan Jesus.

John 2:22 Iomraidhean Croise

Luke 24:26

Maawatanyu oḵyane ḵasapuḻane sa Kristu umunae ampaḵaḻam ya asiyot midayaw.”

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 12:16

Adimpun da disipulun Jesus naawatan da sadi ye naḵwa. Yaḵon nipauli ḵad aḵ Jesus ta midayaw ad langit, inḵagasmoḵdae da naḵwa ḵan siya dida da nituttuwaan ni nigili'tte Ugud Apudyus.

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 16:4

Pinagatupan Jesus woḵ ḵanana'tta disipuluna, “Yaḵon imbagaḵ da anna ḵan diḵayu ta maḵwada ḵad si umali ye aḻgaw, iḵagasmoḵyu we imbagaḵ ḵan diḵayu. “Adiḵpun imbaga da anna ḵan diḵayu si laplapu te inninggawaḵ ḵan diḵayu.

John 2:11

Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

John 2:17

Pune sadi, inḵagasmoḵ da disipuluna nigili ye Ugud Apudyus we ḵanana, “Sa angipatogaḵ si boḻoynu we adidapun patgan, siya matoyaḵ.”

John 2:2

ya inninggaw os aḵ Jesus ya da disipuluna te naayaganda.

Acts 11:16

Pun inḵagasmoḵḵu imbagan Apu Jesus si awe ye ḵanana, ‘Binonyagan John diḵayu'tte danum yaḵon diḵayu ḵad, mabonyagan ḵayu'tte Ispiritu Santu.’

Acts 13:33

Siya nituttuwa ḵan ditaḵu we ganaḵda te tinaguna'ḵ Jesus. Siya bos nigili si ḵumagwae Psalm we ḵanana, “ ‘Siḵa Abengḵu, inggana sinsadi saḵon Amam.’