John 2:12 - Sa Ugud Apudyus

¹² Nagangput ḵad kasar, ḵesan da Jesus ya aḵ inana, da susunudna ya da disipuluna'd Capernaum woḵ inninggawda sidi'ḵ sin-aḵitane aḻgaw.

John 2:12 Iomraidhean Croise

Matthew 11:23

“Diḵayu ḵade iCapernaum, sosomḵonyu ḵad aine midayaw ḵayu'd langit? Naid! Sa maḵwa, aaddi ye miballu ḵayu'd Hades, sa igaw da natoye madusaanyu! Te nu ad Sodom oḵyan nangwaaḵ atte nakaskasdaawe isun da ḵingwaḵ atta iliyu, dagus nine nambabawida'tta basuḻda ya adimpun nin oḵyan Apudyus dinadail ilida ḵad awad oḵyane sissiya'd Sodom sina inggana sinsadi.

Matthew 12:46

Sissiya ḵad aḵ Jesus we maḵaug-uggud atta tagu, dummatong aḵ inana ya da sunudna. Inninggawda'tte lasin woḵ ummoyda impaayag te piondae maḵaug-uggud ḵan siya.

Matthew 4:13

Pun tinenana ili'd Nazareth woḵ ummoy inninggaw ad Capernaum we osae ili'tte taḻantag ni baybay ad Galilee si saḵubna'd Zebulun ḵan Naphtali.

Mark 6:3

Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.

John 2:2

ya inninggaw os aḵ Jesus ya da disipuluna te naayaganda.

John 4:46

Pune sadi, ummoyda bos ad Cana we osae ili'tte probinsiya'd Galilee ye sa nambalinon Jesus danum aḵ bayas. Inninggaw osae pangat atte gubilnu'd Capernaum we nasaḵit abengnae laḻaḵi.

John 6:17

woḵ nambangkada ta dumoḻmangda'd Capernaum. Anna gaye lumabi daampun ay dumatong aḵ Jesus ḵan dida.

1 Corinthians 9:5

Ḵad ippun ḵamman ḵaḻabbonganni ye angitaggaḵad atta asawani'tta ngaimane ambabbaatanni ye isun da udume apostol ya da susunud ḵan Kristu ya aḵ Peter?

Galatians 1:19

Yaḵon da innilaḵe apostol, abus aḵ Peter ya aḵ James we sunud Apu.