John 18:4 - Sa Ugud Apudyus

⁴ Gapu ta inigammun Jesus da losane maḵwa ḵan siya, inabotna dida woḵ ḵanana, “Ngai singtonyu?”

John 18:4 Iomraidhean Croise

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Matthew 26:21

Sa sadi ye angananda, ḵanan Jesus, “Ibagaḵ ḵan diḵayu ḵatuttuwaan, awad ḵan diḵayu osae angituyuḵ ḵan saḵon.”

Matthew 26:31

Pune sadi, ḵanan Jesus ḵan dida, “Sinsadi ye labi, losan ḵayu umawid ya ummabusaḵ gapu'tte maḵwa ḵan saḵon. Te awad de nigili'tte Ugud Apudyus we ḵanana, ‘Gongatoḵ anangḵon atta karneroḵ ya masinasinada.’

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 13:11

Te iniiggammuna angituyuḵ ḵan siya. Sadi gapunae ḵanana, “Daḵampun aḵ losan ḵayu ampoḻḵas.”

John 18:5

Ḵanandae summongbat, “Aḵ Jesus we iNazareth.” Ḵanan Jesus, “Saḵon.” Pun inninggaw aḵ Judas we angituyuḵ ḵan siyae sisiḵad si igawda.

John 18:7

Pun ḵanan os Jesus we nan-imus, “Ngai singtonyu?” Ḵananda bos, “Aḵ Jesus we iNazareth.”

John 19:28

Inigammun ḵad Jesus we ginanggangputna da losan ḵanana, “Nauwawaḵ,” ta mituttuwa nigili ye Ugud Apudyus.

John 6:64

Yaḵon awad ḵan diḵayu da adipun amati.” Te gagangaye inigammun Jesus nu ngai da adipun amati ya sa angituyuḵ ḵan siya.

Acts 2:28

Impaigammum ḵan saḵon daḻane umoy si mataguwan ḵad paḻayadom saḵon si annaam.’ ” Sadi inggilin Ari David.

1 Peter 4:1

Gapu ta nampaḵaḻam ya natoy aḵ Kristu sina'd luta, isaganayu bos somsomoḵyu we ampaḵaḻame isuna. Te ngaimane ampaḵaḻam long-agna, nagangpute ingginoḵnae maḵabasuḻ.