John 18:12 - Sa Ugud Apudyus

¹² Pun da suḻdadu ya da kapitanda ya da guwaḻdan ni templon da Judyu dinoḵmaanda'ḵ Jesus woḵ binaḻudda da imana.

John 18:12 Iomraidhean Croise

Matthew 26:57

Naabus ḵade dinoḵmaanda'ḵ Jesus, inniyoyda si boḻoy Caiaphas we ḵangatuwane padi ye nandatdatongan da pallakayon da Judyu ya da mimistulun ni lintog.

Matthew 27:2

Pun binaḻudda woḵ inniyoyda ḵan Gobernor Pilate.

Matthew 27:27

Naabus ḵad, innaḻan da suḻdadu'ḵ Jesus woḵ illonoḵda'tte boḻoy Gobernor Pilate, pun inaligummun da losane suḻdadu'ḵ Jesus.

Mark 14:53

Pun intallayda'ḵ Jesus woḵ inniyoyda'tte boḻoy ni ḵangatuwane padi ye nandaḵdaḵngan da papangat da papadi, da pallakayon da Judyu ya da mimistulun ni lintog.

Mark 15:1

Wiḵwiḵis ḵad, nandatdatong da papangat da papadi, da pallakayon da Judyu, da mimistulun ni lintog ya da losane ḵuḵunsisaḻ woḵ nantutuḻagda nu ngai ḵoonda ḵan Jesus. Nagangputda ḵad nantutuḻag, binaḻudda. Pun intallayda woḵ impuḻangda ḵan Gobernor Pilate.

Luke 22:54

Pun dinoḵmaanda'ḵ Jesus woḵ iyoyda si boḻoy ni ḵangatuwane padi. Aḵ Peter ḵad, nituntun-ude naktay ḵan dida'ḵ panos.

John 18:3

Pun impuyut Judas da suḻdadu we iRome ya da guwaḻdan ni templo we imbuun da papangat da papadi ya da Pharisee. Nampaḵ-odonda'ḵ silaw, pinatud ya aggom.

Acts 10:1

Awad ad Caesarea tagu we nangngadan aḵ Cornelius, kapitan da suḻdadun da iRome we ngannonda Regiment da iyItaly.

Acts 21:31

Anna ḵade gongatonda'ḵ Paul, inggaw ummoy nangibaga si kumander da suḻdadu we iRome we nagulu da umili'd Jerusalem.

Acts 21:37

Anna ḵade iyoyda'ḵ Paul si ḵampuda, ḵanana si kumander, “Anna ud yan ibagaḵ ḵan siḵa.” Ḵanan ni kumander we summongbat, “Igammume an-ugud atte Greek?

Acts 23:10

Pun amo dummallu susubogda woḵ naḵimtan kumander te ḵananapun nu an-in-innatanda'ḵ Paul. Pun binilinna da suḻdadu we umoyda aḻan ta itallayda'tte ḵampuda.