John 17:6 - Sa Ugud Apudyus

⁶ “Impaigammuḵ siḵa'tta tagu si annae lubunge innatodnu ḵan saḵon. Ḵuwam dida ya innatodnu dida ḵan saḵon woḵ tinuttuwada ugudnu.

John 17:6 Iomraidhean Croise

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 12:28

Pun ḵanana ḵan Apudyus, “Ama, ipailam ḵinadayawnu.” Pun inninggaw gingae naḻpu'd langite ḵanana, “Impailaḵ ḵinadayawḵu ḵad asiḵ os ipaila ḵasin.”

John 15:19

Nu isuyu da tagu we adipun amati, ayatonda diḵayu. Yaḵon gapu ta piniliḵ diḵayu'ḵ amati, sadi gapunae sasangngaan diḵayu.

John 15:3

Pummoḻḵas ḵayu te tinuttuwayu ugude imbagaḵ ḵan diḵayu.

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

John 17:14

Intuttuduḵ ḵan dida ugudnu woḵ sasangngaan da tagu we adipun amati ḵan saḵon da disipulu te isuda saḵone daḵampun aḵ nainlubungan ugalida.

John 17:16

Daḵampun aḵ isun da tagu we adipun namati ugalidae isuḵe daḵampun aḵ isun da tagu we adipun namati ugaliḵ.

John 17:2

Te innatodnu ḵan saḵon ḵaḻabbongane angipangat atta losane tagu ta ittoḵ biyag aḵ inggana'tta losane innatodnu ḵan saḵon.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

John 17:26

Impaigammuḵ ḵan dida ḵabooḻam ya pagatupaḵe angipaigammu ḵan siḵa ta sa ayatnu ḵan saḵon awad ḵan dida ya awadaḵ ḵan dida.”

John 17:7

Sinsadi, igammudae naḻpu ḵan siḵa da losane innatodnu ḵan saḵon.

John 18:9

Imbagana sana ta mituttuwa sadi ye inugudnae naippun ossaan aḵ tinaḻaḵḵu'tta innatod Apudyus ḵan saḵon.

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

John 6:39

Ḵad sa pinion ni nangibuun ḵan saḵon, ayyuwanana da innatodnae amati ḵan saḵon. Pauliyoḵ dida taguwon si anungus ni aḻgaw,

John 8:51

Ibagaḵ ḵan diḵayu ḵatuttuwaan, ngaimane anuttuwa'tta ugudḵu, adipun matoy.”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

Acts 13:48

Dingngoḻ ḵad da Gentil imbagan Paul, amod de layadda, pun dinaydayawda Ugud Apudyus. Ḵad da losane dinutuḵan Apudyus we maittan si biyag aḵ inggana, namatida.

Romans 11:2

Iḵasinḵu ibagae daḵampun aḵ indiyan Apudyus da gagangaye pinilinae taguna si awe. Adiyupun ḵamman igammu ḵanan ni Ugud Apudyus atte mipanggob ḵan Profeta Elijah? Nalluwaḻu si misullagi'tta ḵailiyanae da ganaḵ Israel,

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

2 Timothy 1:13

Nu antuttuduḵa, ilam ta uunnudom ḵatuttuwaane intuttuduḵ ḵan siḵa ya gogomgomam pammatim ḵan ayate innatod Jesu Kristu ḵan ditaḵu we niyossaan ḵan siya.

Hebrews 2:12

Ḵanan Jesus ḵan Apudyus, “Ipaigammuḵ siḵa'tta susunudḵu, ya idaydayawḵu siḵa si gimung.”

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

1 Peter 1:1

Saḵon aḵ Peter we apostol Jesu Kristu. Annaya suḻatḵu ḵan diḵayu we tagu we pinilin Apudyus we isun di mangili si annae lubunge naas-asipaḻaḵ atta ili'd Pontus, Galatia, Cappadocia, Asia ya ad Bithynia.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 3:8

Igammuḵ da ḵooḵoonyu. Igammuḵe aḵit ḵabooḻanyu yaḵon impapatiyu tinuttuwa da imbagaḵ ya adiyupun pinuḵlitan ngadanḵu. Pun inniggaḵ atte sinagungyu isun di sawange mabubuḵḵatan para ḵan diḵayu we naippun maḵaiyonob.