John 17:3 - Sa Ugud Apudyus

³ Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

John 17:3 Iomraidhean Croise

Mark 9:37

“Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon.”

Luke 9:48

Ḵanana ḵan dida “Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon. Ngaimane ḵababaan ḵan diḵayu losan, siya ḵangatuwan.”

John 10:36

Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

John 11:42

Inigammuḵe pasige dongngom saḵon yaḵon ibagaḵ sana mipagapu'tta annae tagu we ataḵtaḵdog ta amatidae siḵa nangibuun ḵan saḵon.”

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 17:18

Sa nangibuunam ḵad ḵan saḵon si annae lubung isuna nangibuunaḵ atta disipuluḵ si lubung.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 3:34

Sa imbuun Apudyus, siya ugudona da Ugud Apudyus te innatod Apudyus Ispiritu Santu ḵan siyae ippun anungusna.

John 5:44

Ngai inonyu we amati nu siya pionyu an-asidayaw ḵayu ḵad adiyupun sington dayawe maḻpu si ossaane Apudyus?

John 6:57

Aḵ Amaḵ we naḻpuwan ni biyag, imbuunaḵ woḵ nataguwaḵ gapu ḵan siya. Pun sadi isun ni angan atte long-agḵu, matagu bos gapu ḵan saḵon.

John 7:29

Saḵon ḵad, igammuḵ te siya naḻpuwaḵ ya siya nangibuun ḵan saḵon.”

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 8:4

Sinsadi, nu mipanggob si maḵane midatun atta sinan-apudyus, iniiggammu taḵu we naippun ḵatuttuwaan da sinan-apudyus. Igammu taḵu we ossaan tuttuwae Apudyus naippun udum.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

Philippians 3:10

Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

1 Thessalonians 1:9

On didae mismu nangug-uggud atte inonyu we nammangili ḵan diḵani ya sa inonyu bose nangiyagaye amati'tta sinan-apudyus woḵ ansagung ḵayu anserbi'tte tuttuwa ḵan matattagu we Apudyus.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

2 Peter 1:2

Awad oḵyan ḵan diḵayu amode ḵinabaḻu ḵan lin-awae maḻpu ḵan Apudyus mipagapu si ustu we angigammuwanyu ḵan Apudyus ya aḵ Jesu Kristu we Apu taḵu.

2 Peter 1:3

Mipagapu si ḵabooḻan Apudyus, innatodna ḵan ditaḵu da losane ḵasapuḻan taḵu ta unudon taḵu naapudyusane antatagu. Maḵwae unudon taḵu sadi te igammu taḵu we siya namili ḵan ditaḵu mipagapu si mismu we ḵinadayawna ḵan ḵinabaḻuna.

2 Peter 1:8

Te nu wadawad da anna ḵan diḵayu ya madog-adog-an, ambanag si amunga'ḵ adu gapu'tte angigammuwanyu ḵan Jesu Kristu we Apu taḵu.

1 John 1:3

Da sanae innilani ya da dingngoḻni, siya sanae iwaḻagawagni ḵan diḵayu ta midoga ḵayu'tte maḵabuḻbuḻunanni ḵan Apudyus we Ama taḵu ya aḵ Jesu Kristu we Abengna.

1 John 2:23

Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.