John 16:2 - Sa Ugud Apudyus

² Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

John 16:2 Iomraidhean Croise

Matthew 10:28

Adiyu isipog da lamogda gongaton da long-agyu yaḵon naippun lamogdae angongat atta ḵalidodwayu. Sa isipogyu oḵyan, aḵ Apudyus. Te lamogna dadailon long-ag ḵan ḵalidodwa'd infiernu.

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

John 12:42

Yaḵon taḵon ay nu ḵatti, namati da adu we papangat da Judyu ḵan Jesus. Yaḵon insilibda te maḵimutda'tta Pharisee. Ta adida mapaḻyaw atte sinagoga.

John 16:25

Pinagatupan Jesus woḵ ḵanana, “Imbagaḵ ḵan diḵayu da anna si pani. Yaḵon dumatong timpu we adiḵpun ogon ipani ye an-ugud ḵan diḵayu yaḵon ibabaggaḵ ḵan diḵayu mipanggob ḵan Amaḵ.

John 16:32

Madam-an dumatong timpu pun tuttuwae dummatong, nu mabuḵaḻ ḵayu, awad osa umoyon atte boḻoyna ya tinenanaḵe abus. Yaḵon daḵampun aḵ abusaḵ te anna'ḵ Amaḵ ḵan saḵon.

John 4:21

Ḵanan Jesus, “Bubai, amatiḵa ḵan saḵon, dumatong timpu we daḵampun ogon atte annae beleg baḵon nu ad Jerusalem andayawan da tagu ḵan Apudyus we Ama.

John 4:23

Yaḵon dummatong timpu we da tuttuwae andayaw ḵan Apudyus we Ama, ḵasapuḻane andayawda ḵan siya si Ispiritu ya mibatay si ḵatuttuwaan. Te sanat da singsington Apudyus we andayaw ḵan siya.

John 9:22

Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.

John 9:34

Ḵananda bos ḵan siya, “Ḵabasbassuḻanḵa inggan ni niyanaḵam. Ngaipam ay diḵani tuttuduwan?” Pune sadi, pinaḻyawda'tte lasin ni sinagogan da Judyu.

Acts 5:33

Dingngoḻ ḵad da ḵuḵunsisaḻ sadi, amod de sangada woḵ pionda gongaton da apostol.

Acts 7:56

Pun ḵanana, “Ilanyu ḵad! Ilaḵ ad langite nabuḵtan ya sa Abeng Di Tagu we naḻpu'd langite niyanaḵ sina'd lutae sisiḵad atte madawinan Apudyus.”

1 Corinthians 4:13

Nu antultulli da tagu mipanggob ḵan diḵani, allin-awa isongbatni. Yaḵon inggana sinsadi, ibelang da tagu si annae lubung diḵani'ḵ ḵaissawe miballu we naippun anuna'tta somsomoḵ da tagu.

Philippians 3:6

Pun nu mipanggob si angipadasane angipapati, nampaḵaḻamoḵ da namati ḵan Jesus. Pun nu mipanggob si naun-unan ni tagu gapu'tte nanuttuwaanda'tta lintog Moses, naippun nangkurangaḵ.

Revelation 6:9

Niloḵtan ḵad ni Ubbu we Karnero ḵumalimae maḻḵan ni naḻuḵube ḵopel, innilaḵ atte dugun ni altar da ḵalidodwan da napatoy gapu si nangiwaḻagawaganda si Ugud Apudyus ya sa nanaḵdoḻanda si tuttudun Jesus.