John 15:5 - Sa Ugud Apudyus

⁵ “Saḵon puun ni waḵaḻ ya diḵayu pangana. Ngaimane iinggaw ḵan saḵon ya iinggawaḵ os ḵan siya, aduadu ibungana. Te nu misina ḵan saḵon, ippun lamogna ḵoon.

John 15:5 Iomraidhean Croise

Matthew 13:21

Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

John 12:24

Ibagaḵ ḵan diḵayu ḵatuttuwaan, sa ossaane buḵoḻ nu adi maottag si luta ya matoy, umoossaan. Yaḵon nu matoy, amunga'ḵ adu.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

John 9:33

Nu daḵampun aḵ naḻpu ḵan Apudyus annae tagu, ippun lamogna ḵoon.”

Acts 4:12

Abus aḵ Jesus aḵ Anagu ḵan ditaḵu. Te naippun udum aḵ ngadan si intero we lubung aḵ innatod Apudyus atta tagu'ḵ maḵwae anagu ḵan ditaḵu.”

Romans 12:5

Isuna bos ditaḵu we namati, taḵon ay nu adu taḵu, mipani taḵu si ossaane long-ag Kristu ḵad nan-os-ossaan taḵu.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

Romans 7:4

Ḵad isuna bos ḵan diḵayu susunudḵu ḵan Kristu, napuḵayan ḵayu si ḵaḻabbongan ni lintog mipagapu'tte natoyan Kristu we nidatun para ḵan ditaḵu woḵ nidoga ḵayu ḵan siya si nataguwana. Pun sinsana, nawaya taḵu we anserbi ḵan siya'ḵ madayawan Apudyus.

1 Corinthians 10:16

Nu uminum taḵu'tte nabasu we bayas, nu maabus taḵu we anggappiya ḵan Apudyus, daḵampun ḵamman aḵ milaḵ-am taḵu'tte bindisyune mipagapu'tte pummoy-ase daḻan Kristu si natoyana? Pun nu ḵanon taḵu tinapaye nabisbisaḵ nu magangput taḵu anggappiya ḵan Apudyus, daḵampun ḵamman os aḵ milaḵ-am taḵu'tte bindisyune mipagapu'tte long-ag Kristu we nipattoḻ atte kros?

1 Corinthians 12:12

Sa long-ag taḵu we tagu adu ḵamangayna yaḵon ossaane long-ag. Isuna bos aḵ Kristu ya ditaḵu we namati ḵan siya.

1 Corinthians 12:27

Ditaḵu we namati, nipani taḵu si long-ag Kristu. Pun sa sin-ossaossa ḵan ditaḵu ḵamangay ni long-agna.

2 Corinthians 13:8

Te adipun maḵwae sullagiyonni ḵatuttuwaan yaḵon labbongni ye taḵdoḻan.

2 Corinthians 9:10

Aḵ Apudyus angitod si buḵoḻe imuḻan ni an-osoḵ ya da maḵane ḵanon da tagu ḵad paaduwona bos da losane awad ḵan diḵayu ta umaduadu da ittonyu'tta anḵasapuḻ mipagapu si naun-unanyu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

Philippians 4:17

Yaḵon pioḵ ipaigammu ḵan diḵayu we siya singtoḵ madog-an oḵyan gungunayu, daḵampun atte ittonyu.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

James 1:17

Aḵ Apudyus ad langit naḻpuwan da losane ambaḻu ḵan gattoḵe atod. Siya bos nangwa'tta losane sumilaw ad langit. Ḵad taḵon ay nu ambaliw ḵatollongan da sana, adipun paat ambaliw aḵ Apudyus.

1 Peter 2:4

Umadani ḵayu ḵan Apu Jesus we mipani si matattagu we batu. Sa annae batu, indiyan da tagu yaḵon siya pinilin Apudyus aḵ ḵapatogan ḵan siya.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.