John 15:4 - Sa Ugud Apudyus

⁴ Iinggaw ḵayu ḵan saḵon ya iinggawaḵ os ḵan diḵayu. Sa pangae nisina si puunna, adipun amunga nu adi misusugtup si puunna. Isuna bos nu misina ḵayu ḵan saḵon, adiḵayupun os amunga.

John 15:4 Iomraidhean Croise

Matthew 12:33

Impanin os Jesus woḵ ḵanana, “Sa ḵayu we ngannonda ambaḻu, ambaḻu ambubungana. Sa ḵayu we ngannonda lawweng, lawweng ambubungana. Te sa ibungan ni ḵayu angipaila si kalasina.

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 6:56

Ngaimane angan atte long-agḵu ya anginum atte daḻaḵ, iinggaw ḵan saḵon ya iinggawaḵ os ḵan siya.

John 8:31

Pun ḵanan Jesus atta Judyu we namati ḵan siya, “Nu pagatupanyu patiyon da losane intuttuduḵ, diḵayu da tuttuwae disipuluḵ.

Acts 11:23

Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

2 Corinthians 13:5

Awad oḵyan osa ḵan diḵayu usigona long-agna ta ilana nu tuttuwae namati si Ambaḻu we Damag mipanggob ḵan Jesu Kristu. Adiyupun ḵamman igammu we awad aḵ Jesu Kristu ḵan diḵayu? Malaksid nu daḵampun aḵ tuttuwae namati ḵayu ḵan siya.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Colossians 2:6

Gapu ta inawatyu'ḵ Jesu Kristu aḵ Apuyu, ḵasapuḻane unudonyu antatagunae mibagay atte tagu we niyossaan ḵan siya.

1 Thessalonians 3:5

Gapu'tte adiyaḵpun ogon maḵaanus si ayuḵ, imbuunku'ḵ Timothy te pioḵ igammuwon nu ngai inon ni pammatiyu. Nambinsawaḵ te maagyu ḵad ay tinuttuwa da subsub da susubsub, ippun ay anun ni ayongni'tte ḵewaaḻ para ḵan diḵayu.

Hebrews 10:39

Yaḵon adi taḵu miyisu'tta nangiwaḻang atta pammatida ya nadusada ḵan Apudyus aḵ inggana. Yaḵon ditaḵu da namati ya matagu'ḵ inggana.

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.