John 15:1 - Sa Ugud Apudyus

¹ Pinagatupan os Jesus we nantuttudu woḵ ḵananae nangipani, “Saḵon tuttuwae puun ni muḻae grape ya aḵ Amaḵ angayyuwan.

John 15:1 Iomraidhean Croise

Matthew 15:13

Ḵanan Jesus we nangipani, “Sa umali ye aḻgaw, da losane muḻae daḵampun aḵ immuḻan Amaḵ we awad ad langit, mabagutda.

Matthew 20:1

Ḵanan Jesus, “Sa ampangatan Apudyus mipani'tte sinḵuwa'tte mumuḻḻaana'tta de grape we nawwiḵise ummoy nansingit aḵ tangdanana'ḵ umoy anḵewaaḻ si mumuḻḻaana'tta de grape.

Matthew 21:33

Pun ḵanan Jesus, “Dongngonyu osae pani. Inninggaw tagu we nammuḻa'ḵ aduadu we grape atte lutana. Pun ḵinabitina nampaliḵwos woḵ ummabut atte batu ta mauppunan ni baḻat da de grape nu asotonda. Nantaḵad os aḵ antaḵnange boḻoy ta inggawan da guwaḻda. Pun impatangḵonna'tta udume gumagammole woḵ ummoy atte adayu we ili.

Mark 12:1

Impanin Jesus we nan-ug-uggud woḵ ḵanana, “Inninggaw tagu we nammuḻa'ḵ aduadu we grape atte lutana. Pun ḵinabitina nampaliḵwos woḵ ummabut atte batu ta mauppunan ni baḻat da de grape nu asotonda. Nantaḵad os aḵ antaḵnange boḻoy ta inggawan da angguwaḻda. Pun impatangḵonna'tta udume gumagammole woḵ ummoy atte adayu we ili.

Luke 13:6

Pune sadi, inug-uggud Jesus ḵan dida pani woḵ ḵanana, “Inninggaw tagu we nammuḻa'ḵ ḵayu we fig si lutana. Ummoyna ḵad innila nu namunga, naippun bungana.

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 1:9

Sa tuttuwae silaw, ummali si annae lubung ta silawana somsomoḵ da losane tagu.

John 15:2

Ḵaanona da pangae adipun amunga. Ḵad da amungae panga, daḻusana dida ta amo umadu ambubungada.

John 6:32

Ḵanan Jesus ḵan dida, “Ibagaḵ ḵan diḵayu ḵatuttuwaan, daḵampun ḵan Moses nangitod ḵan dida'tte maḵane naḻpu'd langit. Yaḵon aḵ Amaḵ nangitod ya siya angitod ḵan diḵayu'tte tuttuwae maḵane maḻpu'd langit.

John 6:55

Te sa long-agḵu, siya tuttuwae maḵan ya sa daḻaḵ, siya tuttuwae mainum.

Romans 11:17

Da Judyu mipanida'tte ḵayu we olive we immuḻan Apudyus. Yaḵon simpaḵ Apudyus da udume pangana. Diḵayu we Gentil, mipani ḵayu'tta pangan ni ḵayu we olive we naippun nangimuḻa. Sa ḵingwan Apudyus, impasanina diḵayu'tta pangan ni ḵayu we immuḻana. Ḵad sinsana, midoga ḵayu maḵabillay atte lutae naḻpu'tte lamut ni sadi ye ḵayu we olive.

1 Corinthians 3:9

Te diḵani ḵan Apollos an-asibadang ḵani ye angwa'tta paḵwan Apudyus. Ḵad diḵayu isun di payawe ḵewaaḻonni. Ipaniḵ os diḵayu si boḻoye taḵadon Apudyus.

1 John 2:8

Yaḵon sa annae bilin, isun di baru te naila ustu we nituttuwaana'tta ḵingwan Kristu ya sa antataguyu sinsana. Te naabuse naḵaan giḵbot ya lumangḻang tuttuwae silaw.