John 12:16 - Sa Ugud Apudyus

¹⁶ Adimpun da disipulun Jesus naawatan da sadi ye naḵwa. Yaḵon nipauli ḵad aḵ Jesus ta midayaw ad langit, inḵagasmoḵdae da naḵwa ḵan siya dida da nituttuwaan ni nigili'tte Ugud Apudyus.

John 12:16 Iomraidhean Croise

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

Mark 9:32

Yaḵon adidapun naawatan piona ḵanan ḵad adidapun inimus ḵan siya te naḵimtanda.

Luke 18:34

Yaḵon adimpun da disipuluna naawatan imbagana te ḵan dida, nitaḻu piona ḵanan.

Luke 24:25

Pun ḵanan Jesus ḵan dida, “Anḵadong-og ḵayu! Ngaipa anḵamnut amatiyanyu'tta losane imbagan da profetan Apudyus?

Luke 24:45

Pun sinilawana da somsomoḵda ta maawatanda nigili ye Ugud Apudyus.

Luke 9:45

Yaḵon adidapun naawatan piona ḵanan ya nitaḻu ḵan dida ta adida maawatan. Ḵad maḵimutdae angimus ḵan siya mipanggob si sana.

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 16:4

Pinagatupan Jesus woḵ ḵanana'tta disipuluna, “Yaḵon imbagaḵ da anna ḵan diḵayu ta maḵwada ḵad si umali ye aḻgaw, iḵagasmoḵyu we imbagaḵ ḵan diḵayu. “Adiḵpun imbaga da anna ḵan diḵayu si laplapu te inninggawaḵ ḵan diḵayu.

John 17:5

Sinsadi Ama, mipauliyaḵ ḵan siḵa ya ipailam ḵinaapudyusḵu we isun ni nangipail-am si awe atte inninggawaḵ ḵan siḵa si daan ni lubung maḵwaan.

John 2:22

Pun ummuli ḵad aḵ Jesus, inḵagasmoḵ da disipuluna sanae imbagana. Pun namatida si nigili ye Ugud Apudyus mipanggob ḵan siya ya tuttuwa da imbagan Jesus.

John 7:39

Siya inugud Jesus mipanggob si Ispiritu Santu we awaton da amati ḵan siya. Yaḵon daampun maatod ḵan dida te daampun mipauli'ḵ Jesus ta midayaw ad langit.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.