John 10:3 - Sa Ugud Apudyus

³ Buḵatan ni guwaḻda onob ni lewangan nu angoy antangḵon atta karnero. Dongngon da karnero gingana nu poḵawana da ngadanda ḵad ipuyutna dida'ḵ lasin.

John 10:3 Iomraidhean Croise

John 10:14

Saḵon ambaḻu we antangḵon atta karnero. Igammuḵ da karneroḵ ya igammuda bos saḵon.

John 10:16

Awad da udume karneroḵe naippun atte annae puḵuḵan. Ḵasapuḻane ayagaḵ dida ta dongngonda gingaḵ. Ḵade sadi ambalinda'ḵ ossaane grupu ya ossaan antangḵon.

John 10:4

Illawana ḵad da karnerona, ummun-una ya mitun-udda ḵan siya te immatunanda gingana.

John 10:9

Saḵon lewangan ḵad ngaimane angoy ḵan saḵon, matagu. Isuna karnero we maḵwae lumnoḵ ḵan lumawa ya umoy anggaḻab.

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

John 6:45

Te ḵanan ni inggilin da profeta si awe, ‘Tuttuduwan Apudyus da losane tagu.’ Ḵad ngaimane andongoḻ ya an-adaḻ ḵan Amaḵ, dida da umali ḵan saḵon.

Romans 8:30

Ḵad da inunana pinulanu'ḵ ambalin aḵ taguna, dida da pinilina ya siya nangwa ḵan dida'ḵ naun-unan ḵad midogada bos atte midayawana.

1 Corinthians 16:9

Te taḵon ay adu bos da sumullagi ḵan saḵon, ad-adu wayaḵe antuttudu te adu da maḻyad andongoḻ.

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

Colossians 4:3

Iluwaḻuwanyu bos diḵani ta itton Apudyus ambaḻu we timpu si angiwaḻagawaganni'tte banage adipun nipaigammu si awe mipanggob ḵan Kristu te sana gapun ni nabaḻudaḵ.

2 Timothy 2:19

Yaḵon taḵon ay nu awad da isudae angituttudu si tinutuli, adipun paat mabaliwan tuttuwae Ugud Apudyus te isun di ampagdot nisaadanae tinaḵad Apudyus we adipun paat magitot. Awad de nigili ye ḵanana, “Igammun Apudyus da tagu we ḵuwana.” Sa osa bose nigili si awe, ḵanana, “Nu ngai ḵananae namati ḵan Apu, ḵasapuḻane an-awidana da lawweng.”

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.

3 John 1:14

Te namnamaoḵe adipun manunnuwan ya ilaḵ siḵa. Ḵad asita an-ug-uggude ustu.

Revelation 20:15

Ḵad ngaimane adipun nigili ngadanna'tte iblu we nigiliyan da ngadan da awad da biyagda'ḵ inggana, niballuda si igaw ni gumilgillayabe apuy ḵan sulfur.

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.

Revelation 7:17

Te sa Ubbu we Karnero we awad si gaggawan ni trono, siya anangḵon ḵan dida. Ḵad ipuyutna dida'tte bubune maḻpuwan ni danume angitod si biyag. Ḵad punasan os Apudyus losan da luwada.”