John 10:16 - Sa Ugud Apudyus

¹⁶ Awad da udume karneroḵe naippun atte annae puḵuḵan. Ḵasapuḻane ayagaḵ dida ta dongngonda gingaḵ. Ḵade sadi ambalinda'ḵ ossaane grupu ya ossaan antangḵon.

John 10:16 Iomraidhean Croise

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Luke 15:8

Pinagatupan Jesus we nangipani woḵ ḵanana, “Awatna nu awad bubai'ḵ awad simpuḻu'ḵ palatana, ya tinaḻaḵna osa, ngai ḵamman ḵoona? Aaddi ye siya ḵoona tonggana silaw ya ummanae anagad si boḻoyna ya singsingtona inggana'ḵ odasana.

John 10:11

Ḵanan os Jesus, “Saḵon ambaḻu we antangḵon atta karnero. Sa ambaḻu we antangḵon ittona long-agna'ḵ matoy para'tta tangḵonna.

John 10:2

Yaḵon sa angoy si lewangan, siya gattoḵe antangḵon atta karnero.

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 10:3

Buḵatan ni guwaḻda onob ni lewangan nu angoy antangḵon atta karnero. Dongngon da karnero gingana nu poḵawana da ngadanda ḵad ipuyutna dida'ḵ lasin.

John 10:4

Illawana ḵad da karnerona, ummun-una ya mitun-udda ḵan siya te immatunanda gingana.

John 10:5

Adidapun mitun-ud atte ḵaili yaḵon umawidda te adidapun immatunan gingana.”

John 11:52

Ḵad daḵampun aḵ abus da ḵailiyana yaḵon andaḵdaḵngona da abeng Apudyus we naas-asipaḻaḵ atta nansabasabali ye ili ta da losane abeng Apudyus Judyu man ḵan Gentil an-ossaanda.

John 17:20

“Daḵampun aḵ abus da anna'ḵ iluwaḻuwaḵ yaḵon iluwaḻuwaḵ os da losane amati ḵan saḵon mipagapu si ituttududa.

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

Acts 15:14

Inugud Simon Peter ḵan ditaḵu inon Apudyus si damu we nangipaila si ḵadaguna'tta Gentil te pinilina da udum ḵan dida'ḵ ambalin aḵ taguna.

Acts 18:10

te annaaḵ ḵan siḵa ya naippun aniwdiwat ḵan siḵa te adu da tagu'ḵ si annae siyudad.”

Acts 22:14

Pun ḵanana, ‘Sa Apudyus da danaḵḵoḻ taḵu, pinilina siḵa ta igammuwom da piona ya ilam naun-unane Abengna we nanserbi ḵan siya ya dongngom gingana.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

2 Thessalonians 2:13

Yaḵon ḵan diḵayu susunudḵu ḵan Kristu we ay-ayaton Apu, ḵasapuḻane pagapagatupanni ye anggappiya ḵan Apudyus gapu ḵan diḵayu. Te inggana'tte damu, pinilin Apudyus diḵayu'ḵ matagu mipagapu'tte Ispiritu Santu we nangitotoḵḵon ḵan diḵayu'ḵ tagun Apudyus ta bumaḻu ugaliyu ya mipagapu'tte pinatiyu ḵatuttuwaan mipanggob ḵan Jesu Kristu.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

1 Peter 2:10

Sa awe, daḵampun aḵ tagun Apudyus diḵayu. Yaḵon sinsana, taguna diḵayu. Sa awe, adiyupun os inawat ḵadaguna yaḵon sinsana inawatyu ḵadaguna.

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.