John 10:10 - Sa Ugud Apudyus

¹⁰ “Umali aḵḵawan ta umoy an-aḵaw, pumatoy ḵan dumadail. Yaḵon ḵan saḵon, ummaliyaḵ ta ittaḵ da tagu si biyag aḵ inggana, sa biyage ippun angkurangana.”

John 10:10 Iomraidhean Croise

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 18:11

Saḵon ḵad ose Abeng Di Tagu, ummaliyaḵ ta iyyaḵ sington da tagu we naḵabasuḻ ya taguwoḵ dida ta adin Apudyus dida dusaon aḵ inggana.”

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 21:13

woḵ ḵanana ḵan dida, “Nigili'tte Ugud Apudyus we ḵanana, ‘Sa boḻoyḵu ngannonda boḻoye luluwaḻuwan da tagu.’ Yaḵon nambalinonyu'ḵ inggawan da tulisan.”

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Mark 11:17

Pun nantuttudu woḵ ḵanana'tta tagu, “Sa nigili'tte Ugud Apudyus ḵanana, ‘Sa boḻoyḵu ngannonda boḻoye luluwaḻuwan da tagu'tta losane ili.’ Yaḵon nambalinonyu'ḵ inggawan da tulisan.”

Luke 19:10

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

John 10:1

Pune sadi ḵanan Jesus we nangipani, “Ibagaḵ ḵan diḵayu ḵatuttuwaan, ngaimane adi lumnoḵ atte lewangan ni puḵuḵan da karnero yaḵon ḵumaḻab si osae maoy, sanat aḵḵawan ḵan tulisan.

John 10:11

Ḵanan os Jesus, “Saḵon ambaḻu we antangḵon atta karnero. Sa ambaḻu we antangḵon ittona long-agna'ḵ matoy para'tta tangḵonna.

John 12:47

“Ḵad ngaimane angngoḻ atta ugudḵu ya adinapun tuttuwaon, adiḵpun ḵuwison te daḵampun aḵ ummaliyaḵ ta ḵuwisoḵ lubung yaḵon ummaliyaḵ ta taguwoḵ.

John 12:6

Yaḵon inugudna ḵatti ye daḵampun aḵ gapu ta madagu'tta ḵapus nu adi gapu ta aḵḵawan. Te siya nangdon si pilaḵda ḵad dam-on angaḻa si nauppun.

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 5:40

Yaḵon adiyupun pione umali ḵan saḵon ta ittoḵ ḵan diḵayu biyag aḵ inggana.

John 6:33

Te sa maḵane itton Apudyus, siya dummoḻae maḻpu'd langite angitod si biyag aḵ inggana'tta tagu si lubung.”

John 6:51

Saḵon maḵane angitod si biyag aḵ ingganae naḻpu'd langit. Ḵad ngaimane angan atte annae maḵan, matagu'ḵ inggana. Sa sanae maḵan, sa long-agḵu we ittoḵ ta matagu da tagu si lubung.”

Romans 2:21

Ḵananyu we nalaing ḵayu we antuttudu'tta udum yaḵon ngaipayu adi tuttuduwan da long-agyu nu? Iwaḻagawagyu we adi ḵayu oḵyan an-aḵaw yaḵon ngaipa ḵayu bos an-aḵaw nu?

1 Timothy 1:15

Sana tuttuwae tuttudu ya labbongnae patiyon da losane tagu: Ummali'ḵ Jesu Kristu atte lubung ta taguwona da ḵabasbassuḻan. Saḵon ḵapaatan ḵan dida.

Hebrews 6:17

Ḵad aḵ Apudyus pionae mipaḵaawate ustu'tta anawid si inkarinae adipun paat mabaliwan panggobna. Pun pinanoḵnoḵana gapu'tte ampigsae karinae inusarna mismu we ngadanna.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.