John 10:1 - Sa Ugud Apudyus

¹ Pune sadi ḵanan Jesus we nangipani, “Ibagaḵ ḵan diḵayu ḵatuttuwaan, ngaimane adi lumnoḵ atte lewangan ni puḵuḵan da karnero yaḵon ḵumaḻab si osae maoy, sanat aḵḵawan ḵan tulisan.

John 10:1 Iomraidhean Croise

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

John 10:7

Pun ḵanan os Jesus we nangipani, “Ibagaḵ ḵan diḵayu ḵatuttuwaan, saḵon lewangane ayon da karnero.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

Titus 1:11

Ḵasapuḻane paginḵona dida te dumadailda'tta pammatin da amode baḻyan, gapu si angituttuduwanda'tta daḵampun oḵyan aḵ mituttudu. Sa panggobdae angwa'tte ḵaḵna, ampabain te sa pilaḵe abus gagamgamanda.

Hebrews 5:4

Ḵad naippun tagu'ḵ itanungna dutuḵan long-agna'ḵ madayawana'ḵ ambalin aḵ ḵangatuwane padi. Te abus aḵ Apudyus aḵ maḵwae amili ye isun ni nampipilina ḵan Aaron.

1 Peter 1:10

Da profeta we an-uuggudon Apudyus si awe ye nangibaga'tte mipanggob si umali ye timpu si angipail-ana si ḵinabaḻunae sinsadi ipailana ḵan diḵayu, ummanda singsingngit ya inadaadaḻ mipanggob si sanae mataguwan.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.