John 1:51 - Sa Ugud Apudyus

⁵¹ Pun ḵanana bos ḵan dida, “Ibagaḵ ḵan diḵayu ḵatuttuwaan, sa umali ye aḻgaw asiyu ilane mabuḵatan ad langit ḵad ilanyu da anghel Apudyus we ngumatu ḵan dumoḻa ḵan saḵone Abeng Di Tagu we naḻpu'd langite niyanaḵ sina'd luta.”

John 1:51 Iomraidhean Croise

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Matthew 3:16

Naabus ḵad aḵ Jesus nabonyagan, daguse tummoḵwaḻ si danum woḵ baag-en nabuḵtan ad langit. Pun innilana Ispiritu Santu we dumoḻadoḻae isunan kalapati woḵ nansap-oy ḵan siya.

Matthew 4:11

Pune sadi, ummoyon aḵ Satan. Baag-en dummatong da anghel woḵ binadanganda'ḵ Jesus.

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Matthew 9:6

Yaḵon ipailaḵ ḵan diḵayu ta igammuwonyu we saḵone Abeng Di Tagu, anna ḵaḻabbongaḵ sina'd lutae amakawan atta basuḻ da tagu.” Ḵanana'tte naparalaes, “Bumangonḵa, aḻam bulignu ta inḵan si boḻoyyu.”

Mark 1:10

Tummoḵwaḻ ḵad aḵ Jesus si danum, daguse innilana'd langite nabuḵtan ya sa Ispiritu Santu we dumoḻadoḻae isunan kalapati woḵ nansap-oy ḵan siya.

Mark 14:62

Ḵanan Jesus, “On, saḵon. Sa umali ye aḻgaw, ilanyu saḵone Abeng Di Tagu we tutuḵdu'tte madawinan Apudyus we maḵabooḻ. Ḵad asiyu bos ilan umaliyaḵe mibuḻun atta libuu'd langit.”

Luke 2:13

Imbagana ḵad ay, daguse nampaila da amoamode anghel we naḻpu'd langit woḵ nidogada'tte ummunae anghel pun ḵanandae nangidaydayaw ḵan Apudyus,

Luke 2:9

Pune sadi, baag-en nampaila anghel Apudyus ḵan dida woḵ naḻangḻanganda'tte ḵinapaddan Apudyus. Pun naḵimtanda.

Luke 22:43

Pun nampaila ḵan siya anghel we naḻpu'd langit woḵ pinaḵosdoḻna.

Luke 22:69

Yaḵon sinsadi, saḵone Abeng Di Tagu, tumuḵduwaḵ si madawinan Apudyus we maḵabooḻ atta losan.”

Luke 24:4

Sissiyada ḵade sintataag, nasaniḵad da duwae laḻaḵi si daḻnigdae sumilisiling da silupda.

Luke 3:21

Sa daan John mibaḻudan, sissiyae inninggaw da adu we tagu we binonyagana. Sin-aḻgawan ḵad, binonyagana bos aḵ Jesus. Pune sadi, nalluwaḻu ḵad aḵ Jesus, nabuḵtan ad langit.

John 1:50

Ḵanan os Jesus, “Gapu'tte imbagaḵe innilaḵ siḵa si puun ni de fig, amatiḵa ḵamman? Asim ilan da sindumallu we nakaskasdaaw nu sa anna.”

John 10:1

Pune sadi ḵanan Jesus we nangipani, “Ibagaḵ ḵan diḵayu ḵatuttuwaan, ngaimane adi lumnoḵ atte lewangan ni puḵuḵan da karnero yaḵon ḵumaḻab si osae maoy, sanat aḵḵawan ḵan tulisan.

John 10:7

Pun ḵanan os Jesus we nangipani, “Ibagaḵ ḵan diḵayu ḵatuttuwaan, saḵon lewangane ayon da karnero.

John 13:16

Ibagaḵ ḵan diḵayu ḵatuttuwaan, naippun sammilu'ḵ nangatngatu nu sa apuna. Ḵad naippun mibuun aḵ nangatngatu nu sa nangibuun ḵan siya.

John 13:38

Ḵanan Jesus we summongbat, “Tuttuwa ḵammane ittom long-agnu'ḵ matoy gapu ḵan saḵon? Ibagaḵ ḵan siḵa ḵatuttuwaan, daampun anullaḵuḵ ḵawitan, amiḵluwom saḵon puḵlitan.”

John 14:12

“Ibagaḵ ḵan diḵayu ḵatuttuwaan, ngaimane amati ḵan saḵon, ḵoona bos da ḵingwaḵ. Ḵad daḵdaḵoḻ da ḵoona nu da ḵingwaḵ te iyyaḵ ḵan Amaḵ.

John 16:20

Ibagaḵ ḵan diḵayu ḵatuttuwaan, umibil ya andomdom ḵayu yaḵon anggangganas da tagu we adipun amati. Ḵad andadauy ḵayu yaḵon sa dadauyyu ambalin aḵ laylayad.

John 16:23

“Sa sadi ye aḻgaw, naippun ḵodawonyu ḵan saḵon. Ibagaḵ ḵan diḵayu ḵatuttuwaan, ngaimane ḵodawonyu ḵan Amaḵ mipagapu'tte ḵabooḻaḵ, ittona ḵan diḵayu.

John 21:18

Ibagaḵ ḵan siḵa ḵatuttuwaan. Sa ḵababaḻum, siḵa angigga si taḵyadnu ta maḵasaganaḵae umoy si ayam ya ummoyḵa si piom ayan. Yaḵon nu maḻaḵayḵa, andopaḵa ya awad de angigga si taḵyadnu ya ipuyutna siḵa si adimpun pione ayan.”

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

John 5:27

Innatodna bos ḵaḻabbongaḵe anḵuwis te saḵon Abeng Di Tagu.

John 6:26

Ḵanan Jesus ḵan dida, “Ibagaḵ ḵan diḵayu ḵatuttuwaan, singsingtonaḵ te nangan ḵayu ya nassug ḵayu'tte tinapaye impaḵanḵu ḵan diḵayu. Daḵampun aḵ gapu ta naawatanyu da nakaskasdaawe sinyale innilayu.

John 6:32

Ḵanan Jesus ḵan dida, “Ibagaḵ ḵan diḵayu ḵatuttuwaan, daḵampun ḵan Moses nangitod ḵan dida'tte maḵane naḻpu'd langit. Yaḵon aḵ Amaḵ nangitod ya siya angitod ḵan diḵayu'tte tuttuwae maḵane maḻpu'd langit.

John 6:47

Ibagaḵ ḵan diḵayu ḵatuttuwaan, ngaimane amati ḵan saḵon, awad ḵan siya biyag aḵ inggana.

John 6:53

Ḵanan Jesus ḵan dida, “Ibagaḵ ḵan diḵayu ḵatuttuwaan, nu adiyu ḵanon long-agḵu we Abeng Di Tagu ḵan adiyu inumon daḻaḵ, naippun ḵan diḵayu biyag aḵ inggana.

John 8:34

Ḵanan os Jesus, “Ibagaḵ ḵan diḵayu ḵatuttuwaan, da losane dam-on maḵabasuḻ musassuda si basuḻ.

John 8:51

Ibagaḵ ḵan diḵayu ḵatuttuwaan, ngaimane anuttuwa'tta ugudḵu, adipun matoy.”

John 8:58

Ḵanan Jesus, “Ibagaḵ ḵan diḵayu ḵatuttuwaan, sa daan Abraham miyanaḵan, inninggawaḵ.”

Acts 10:11

Innilana'd langite nabuḵtan woḵ inninggaw isun di aḻwae lupute nauyude nataḵodan da opate dugyuna.

Acts 7:56

Pun ḵanana, “Ilanyu ḵad! Ilaḵ ad langite nabuḵtan ya sa Abeng Di Tagu we naḻpu'd langite niyanaḵ sina'd lutae sisiḵad atte madawinan Apudyus.”

2 Thessalonians 1:7

Sa sadi bose timpu, paginḵon Apudyus da ampaḵaḻaman taḵu we sana. Ḵoona da sana nu ampaila'ḵ Apu Jesus atte umaliyana ḵasine maḻpu'd langite buḻunna da maḵabooḻe anghelna.

2 Thessalonians 1:9

Sa dusada, ampaḵaḻamda'ḵ inggainggana ya misinada ḵan Apu aḵ inggana ya adidapun ilan nakaskasdaawe ḵabooḻana.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Jude 1:14

Aḵ Enoch we ḵumapitu we lunap atta ganaḵ Adam, awad de impadtuna si mipanggob ḵan dida. Ḵanana, “Ilanyu, umali'ḵ Apu we buḻunna da simpuḻullibu we anghelna

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.

Revelation 4:1

Naabus ḵad, intapḵu we nabuḵtan sawang ad langit. Dingngoḻḵu bos isun ni dingngoḻḵu we isunan gingan di tangguyube ḵanana ḵan saḵon, “Umaliḵa sina'd langit ta ipailaḵ ḵan siḵa da ḵasapuḻane maḵwa si umali ye aḻgaw.”