John 1:42 - Sa Ugud Apudyus

⁴² Pun inniyoyna'ḵ Simon woḵ ummoyda si igaw Jesus. Intollong ḵad Jesus ḵanana, “Siḵa'ḵ Simon we abeng John. Sinsadi ngadanaḵ siḵa'ḵ Cephas.” Sa ngadane Cephas atte Hinebrew, Peter atte Greek. Ḵad sa piona ḵanan batu.

John 1:42 Iomraidhean Croise

Matthew 10:2

Annaya da ngadan da nasawaḻan aḵ duwae apostol Jesus, aḵ Simon we nginadananda'ḵ Peter, aḵ Andrew we sunudna, da James ḵan John we abeng Zebedee,

Mark 3:16

Annaya da ngadan da pinilina. Aḵ Simon we nginadanan Jesus aḵ Peter,

Luke 5:8

Innilan ḵad Simon Peter naḵwa, nanalluḵu'tte sinagung Jesus woḵ ḵanana, “Apu tenam saḵon te ḵabasbassuḻanaḵ!”

Luke 6:14

Annaya da ngadan da pinilina. Aḵ Simon we nginadanan Jesus aḵ Peter, aḵ Andrew we sunudna ya da James ḵan John. Nidoga da Philip ḵan Bartholomew,

John 13:18

“Daḵampun aḵ ugudoḵe diḵayu losan te igammuḵ da piniliḵ. Yaḵon ḵasapuḻane mituttuwa Ugud Apudyus we ḵanana, ‘Sa ḵaubungḵu, siya angituyuḵ ḵan saḵon.’

John 21:2

Nandatdatong da Simon Peter, Thomas we ngannonda Ḵapil, aḵ Nathanael we iCana si ili'tte probinsiya'd Galilee, da duwae abeng Zebedee ya da duwae disipuluna.

John 4:16

Ḵanan Jesus ḵan siya, “Inḵa ayagan aḵ asawam ta umali ḵayu.”

1 Corinthians 1:12

Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.”

1 Corinthians 15:5

Nampaila ḵan Peter ya da nasawaḻan aḵ duwae apostol.

1 Corinthians 3:22

Imbuunna saḵon ya da Apollos ḵan Peter we anserbi ḵan diḵayu. Ḵad innatodna ḵan diḵayu da losane awad si annae lubung, da mabiyaganyu, matoyanyu, taḵon ay sinsadi ya sa umali ye aḻgaw ḵuwayu dida.

1 Corinthians 9:5

Ḵad ippun ḵamman ḵaḻabbonganni ye angitaggaḵad atta asawani'tta ngaimane ambabbaatanni ye isun da udume apostol ya da susunud ḵan Kristu ya aḵ Peter?

Galatians 1:18

Naḻaḵpus ḵad de tuḻun tawon, ummoyḵu binisita'ḵ Cephas ad Jerusalem woḵ inninggawaḵ ḵan siya'ḵ nasawaḻan aḵ limae aḻgaw.

Galatians 2:11

Yaḵon ummali ḵad aḵ Peter ad Antioch, sinuppaḵaḵ atte sinagung da adu we tagu te nalawage daḵampun aḵ ustu ḵingwana.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.