John 1:4 - Sa Ugud Apudyus

⁴ Siya naḻpuwan ni biyag ya sa sanae biyag siya anilaw atta somsomoḵ da tagu.

John 1:4 Iomraidhean Croise

Matthew 4:16

Da tagu ḵad sidi, isudan inggaw si pongot te isunan nalibuuwan ilida si ḵatoy. Yaḵon sa umali ye aḻgaw, ilanda ampigsapigsae silaw te ampaila ḵan dida anilaw atta somsomoḵda.”

Luke 2:32

Isunan silawe allangḻang ta ipailana da pinion Apudyus atta Gentil. Gapu bos ḵan siya, midayaw da tagume ganaḵ Israel.”

John 11:25

Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

John 12:35

Ḵanan Jesus we nangipani, “Sin-aḵitan inggawan ni silaw ḵan diḵayu. Pun ummanyu we anaddaḻan si annaan ni silaw ḵan diḵayu ta adi ḵayu magiḵbotan. Te sa anoḻwap, ippun igammuna'tte ḵapnona.

John 12:46

Ummaliyaḵ atte annae lubung aḵ isun di silaw ta ngaimane amati ḵan saḵon, adidapun iinggaw atte giḵbot.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 3:19

Annaya gapunae maḵuwisda. Ummali si annae lubung sadi ye ngannonda Silawe anilaw atta an-aawat taḵu mipanggob ḵan Apudyus yaḵon siya dinumaon da tagu pongot nu sa silaw te lawweng ḵoḵoḵḵonda.

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

John 5:26

Aḵ Amaḵ, siya angitod si biyag ḵad innatodna bos ḵan saḵone Abengna ḵaḻabbongaḵe angitod si biyag.

John 8:12

Ḵasin ḵad aḵ Jesus nan-ug-uggud atta adu we tagu ḵananae nangipani, “Saḵon silaw da tagu si annae lubung. Ḵad ngaimane angunud ḵan saḵon, adipun ogon inggaw atte giḵbot te nasilawan somsomoḵna ya maatod ḵan siya biyag aḵ inggana.”

John 9:5

Sa annaaḵ si lubung, saḵon silaw da tagu si lubung.”

Acts 26:23

Te ḵasapuḻane ampaḵaḻam aḵ Kristu ya siya umuna umuli'tta natoy ta iwaḻagawagna inon Apudyus we Anagu atta Judyu ya da Gentil.”

1 Corinthians 15:45

Te sa nigili ye Ugud Apudyus ḵanana, “Sa ummunae tagu we aḵ Adam, innattan Apudyus aḵ biyag,” yaḵon aḵ Jesu Kristu we maawagan aḵ naudi ye Adam, siya Ispiritu we angitod si naispirituwane biyage ippun anungusna.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

Colossians 3:4

Aḵ Kristu siya mataguwanyu ḵad nu ampaila, midoga ḵayu bos ḵan siya si madayawana ḵan ḵinangatuna.

1 John 1:1

Sa annae suḻat, awad de iwaḻagawagni ḵan diḵayu mipanggob atte Ugud we maḻpuwan ni biyag aḵ inggana. Inninggaw ḵan Apudyus we Ama inggan ni laplapu. Nambalin aḵ tagu woḵ inninggaw sina'd luta ḵad mismu we innilani. Dingngoḻni ugudna ya mismu we inappadanni.

1 John 5:11

Annaya pinanoḵnoḵana: Innatod Apudyus ḵan ditaḵu biyag aḵ inggana ḵad sa Abengna maḻpuwan ni sanae biyag.

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”