James 5:7 - Sa Ugud Apudyus

⁷ Pun diḵayu we susunudḵu ḵan Kristu, ḵasapuḻane anusanyu da losane ampaḵaḻamanyu inggana'tte umaliyan Apu. Sosomḵonyu ḵad da mammaumae anusanda uuwayon umudanana ta ammuḻada ya anusanda bos uwayon umudanana ta dumaḵoḻ da ampatoge immuḻada inggana'ḵ dumatong an-apitanda.

James 5:7 Iomraidhean Croise

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 24:27

Te saḵone Abeng Di Tagu, sa umaliyaḵ mailan da losane tagu we isunan ḵilate mamamdiyat si dumingitan init inggana si mipisongana.

Matthew 24:44

Pun ḵasapuḻane maḵasagana ḵayu oḵyan te dumatong Abeng Di Tagu si timpu we adiyupun namnamaon.”

Luke 18:8

Annaya ibagaḵ ḵan diḵayu, ittonae dagus ḵan dida ḵalintoganda. Yaḵon mipauliyaḵ ḵade Abeng Di Tagu, awad ḵamman odasaḵ aḵ amati ḵan saḵon sina'd luta?”

Luke 21:27

Ḵad ilanda saḵone Abeng Di Tagu we umali ye mibuḻun atta libuu. Ḵad ilanda bos ummamdane ḵabooḻaḵ ḵan ummamdane ḵinapaddan ni ḵinaapudyusḵu.

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

John 21:22

Ḵanan Jesus, “Nu pioḵe sissiyae matagu inggana'ḵ mipauliyaḵ, ngai ḵad ain biyangnu? Tun-udonaḵ!”

John 21:23

Nan-asidongoḻ atta susunud ḵan Kristu we adipun matoy annae disipulu. Yaḵon daḵampun aḵ imbagan Jesus ḵan siyae adipun matoy. Yaḵon ḵanana, “Nu pioḵe sissiyae matagu inggana'ḵ mipauliyaḵ ḵasin, naippun biyangnu.”

Romans 15:4

Te ngaimane nigili ye Ugud Apudyus si awe, nigilida'ḵ matuttuduwan taḵu. Ta lamog taḵu attoman da ampaḵaḻaman ya masoḻgag somsomoḵ taḵu ya annamnama taḵu.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

1 Corinthians 1:7

ta ippun angkuranganyu'tta ngaimane naispirituwane ḵabooḻan si anguuwwayanyu'tte mipauliyan Apu taḵu we Jesu Kristu.

Galatians 5:5

Yaḵon ditaḵu ḵad, namnamaon taḵu we aḵ Apudyus angwa si maun-unan taḵu ya sa Ispiritu Santu bumadang ḵan ditaḵu we anguuway si mituttuwaana gapu'tte pammati taḵu.

Galatians 6:9

Pun siya gapunae aditaḵu oḵyan mappoge angwa'tta ambaḻu te dumatong ustu we timpu we angittan Apudyus ḵan ditaḵu'tta gunguna nu adi taḵu mappoge anguuway.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 2:19

Pionni pagay umali te antaḻgod ḵani ye ipapatiyu we amati. Ḵad gapu si sadi, maganasan ḵani si mipanggob ḵan diḵayu. Ḵad nu umali ḵasin aḵ Apu taḵu we Jesu Kristu, antaḻgod ḵani ye misangu ḵan siya te diḵayu da ambaḻu we nambanagan ni ḵewaaḻni.

1 Thessalonians 3:13

Papigsaon oḵyan Apu Jesus da somsomoḵyu ta naippun angkuranganyu ya bumaḻu da ugaliyu si antotollong Apudyus we Ama taḵu si umaliyan Jesus we Apu taḵu we midoga da losane taguna.

Hebrews 6:15

Gapu ta inan-anusan Abraham inuway, inawatna inkarin Apudyus.

James 4:11

Susunudḵu ḵan Kristu, adi ḵayu an-asiamsew. Nu amsewonyu asintataguyu baḵon nu ḵuwisonyu dida, amsewonyu ya ḵuwisonyu lintog. Nu ḵuwisonyu, adiyupun ogon tuttuwaon lintog yaḵon nambalin ḵayu'ḵ ḵuwis.

James 5:10

Susunudḵu ḵan Kristu, unudonyu da profeta we an-ugud si ngadan Apu. Amod de anusdae nangiyattom atta ampaḵaḻaman.

James 5:3

Naḻatiyan da buḻawan ḵan pilaḵyu ḵad sa latida angipanoḵnoḵe misullagi ḵan diḵayu ya isun di apuye soggona long-agyu. Nanonson ḵayu'ḵ binaḵnang si madam-an anungus ni aḻgaw.

2 Peter 3:4

“Adimpun ḵamman Jesus inkari ye mipauli? Dimman ay nu? Naabus nanḵaḵatoy da ummun-unae namati ye danaḵḵoḻ taḵu ya daampun ay umali. Inggan ni nangwaana si lubung inggana sinsadi, sissiyae naippun nambaliwana.”