James 5:16 - Sa Ugud Apudyus

¹⁶ Pun an-asibabagga ḵayu'tta basuḻyu ya an-asiluwaḻu ḵayu ta maḵaan da saḵityu. Te sa luwaḻun ni naun-unane tagu ampigsa ḵabooḻana ḵan ambanagana.

James 5:16 Iomraidhean Croise

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

Matthew 3:6

Imbabaggada da basuḻda pun binonyagan John dida'tte tawwang Jordan.

Mark 1:5

Pun adu da naḻpu'd Jerusalem ya da losane ili'tte probinsiya'd Judea we ummoy ḵan siya woḵ imbabaggada da basuḻda pun binonyagan John dida'tte tawwang Jordan.

Luke 9:6

Pun nallibbat da disipuluna woḵ nanggaḵayda'tta losane ili ta iwaḻagawagda Ambaḻu we Damag ya ḵaanonda da saḵit.

John 9:31

Ḵad igammu taḵu we adimpun Apudyus dongngon da ḵabasbassuḻan yaḵon dongngona da angidayaw ḵan siya ya da angwa'tta piona.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 19:18

Pun adu bos atta namati da nangibabawi'tta ḵoḵoḵḵonda.

Acts 8:24

Pun ḵanan Simon, “Iluwaḻuwanyu ud saḵon ḵan Apu ta naippun maḵwa'tta sanate imbagayu ḵan saḵon.”

Romans 3:10

Te sa ḵanan ni nigili ye Ugud Apudyus, “Naippun tagu'ḵ naun-unan, taḵon ay ossaan.

Romans 5:19

Gapu'tte adin ni ossaane tagu tummuttuwaan, siya bummasuḻan da adu we tagu. Yaḵon sa tummuttuwaan ni osae tagu, siya maun-unan da adu we tagu.

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

1 Thessalonians 5:17

patilayun ḵayu alluwaḻu,

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

1 Thessalonians 5:25

Susunudḵu ḵan Kristu, iluwaḻuwanyu ḵappos diḵani.

Hebrews 11:4

Mipagapu si pammatin Abel, naḵaay-ayu indatunnae datun ḵan Apudyus nu sa datun Cain. Gapu si pammatina, imbelang Apudyus aḵ naun-unan te inawatna indatun Abel. Ḵad taḵon ay nu natoy sissiyae an-ugud gapu si pammatina.

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

Hebrews 12:13

Pasigyu ayon nanggodonge daḻan ta da ḵummuya da pammatida awad ambaḻu'ḵ ampaniyanda unudon ya adi amo ambalin ḵumuya pammatida yaḵon amo pumigsa ḵasin.

Hebrews 13:18

Iluwaḻuwanyu diḵani te aaddi ye ampoḻḵas da somsomoḵni gapu ta pionni ye ḵoon ustu'tta losane tagu.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 John 3:22

Ḵad da ngaimane ḵodawon taḵu ḵan siya, ittona gapu'tte anuttuwaan taḵu'tta bilinna ya sa angwaan taḵu'tta mas-omana.