James 4:17 - Sa Ugud Apudyus

¹⁷ Pun sa tagu we igammuna ustu we maḵwa yaḵon adinapun ḵoon, maḵabasuḻ.

James 4:17 Iomraidhean Croise

John 13:17

Nu igammuyu da anna, pian ḵayu nu ḵoonyu dida.

John 15:22

Naippun oḵyan maḵabasuḻanda nu adiyaḵ ummali ya naḵaugud ḵan dida. Yaḵon sinsadi, ippun ogon allasunda'tta basuḻda.

John 9:41

Ḵanan Jesus ḵan dida, “Nu naḵuḻap ḵayu naippun oḵyan ḵabasuḻanyu. Yaḵon sinsadi ye ḵananyu we maḵaila ḵani, sissiya da basuḻyu.”

Romans 1:32

Taḵon ay nu igammuda tuttudun Apudyus we labbongdae madusa'ḵ inggana da tagu we angwa'tta ḵatti, sissiyae ḵoonda. Daḵampun aḵ abus ḵoonda nu adi ayunanda bos da udume angwa'tta ḵaḵnat.

Romans 7:13

Piona ḵad ain ḵanane sa ambaḻu we lintog siya gapun ni matoyaḵ? Naid! Te sa mismu we basuḻḵu gapun ni matoyaḵ. Mipagapu si ambaḻu we lintoge igammu taḵu we ḵoon taḵu we lawweng, basuḻ ḵad ambanag si ḵatoy. Ḵad mipagapu si bilin mipaila ummamdane basuḻ taḵu.

2 Peter 2:21

Un-unnoyna oḵyan adida inigammu inon Apudyus we angwa si maun-unan da tagu nu sa igammuwonda ya umun-uni ḵad nan-awidanda biline maḻpu ḵan Apudyus we nituttudu ḵan dida.