James 4:11 - Sa Ugud Apudyus

¹¹ Susunudḵu ḵan Kristu, adi ḵayu an-asiamsew. Nu amsewonyu asintataguyu baḵon nu ḵuwisonyu dida, amsewonyu ya ḵuwisonyu lintog. Nu ḵuwisonyu, adiyupun ogon tuttuwaon lintog yaḵon nambalin ḵayu'ḵ ḵuwis.

James 4:11 Iomraidhean Croise

Luke 6:37

“Adiyu ḵuwison ḵan pabasuḻon da asintataguyu ta adin os Apudyus ḵuwison ḵan pabasuḻon diḵayu. Sa ḵoonyu, pakawanonyu dida ta pakawanon os Apudyus diḵayu.

Romans 2:1

Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus.

Romans 2:13

Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana.

Romans 7:7

Ngai ibaga taḵu nu? Maḵwa ḵad ain ibaga taḵu we lawweng lintog? Naid! Yaḵon nu naippun lintog, adipun maawatan basuḻ. Isun ni amaamay, adiḵpun oḵyan inigammu we lawweng nu adin ni lintog imbaga ḵanane, “Adim amaamayon ḵuḵuwan da udum.”

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

Ephesians 4:31

Pun ḵasapuḻane ḵaanonyu da losane lawweng atta somsomoḵyu, busut ya sanga'tta buḻunyu. Adi ḵayu bos maḵasubog ya maḵasossongbat ya an-ugud aḵ lawweng atta asintataguyu. Naippun oḵyan somsomoḵyu'ḵ amaḵaḻam atta buḻunyu,

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

2 Timothy 3:3

Taḵon ay da abengda ya da sin-abeng ḵan dida, adidapun ayaton dida. Nu awad tagu'ḵ sumang-anda, adidapun pulus pakawanon. An-ugudda'ḵ lawweng atta buḻunda, adidapun maḵatupod atta long-agda ya lumawelawengda. Sasangngaanda ambaḻu.

Titus 2:3

Da anḵamad-an ḵad os, bagbagaam os dida ta siya oḵyan unudonda ambaḻu we ugali ye sa mibagay atta pammatida. Ḵad adida bos an-ugud aḵ lawweng atta buḻunda baḵon nu ambarbartek. Yaḵon siya oḵyan ḵoonda, ituttududa da ambaḻu.

James 1:16

Pun susunudḵu ḵan Kristu we ay-ayatoḵ, adi ḵayu maallelaw.

James 1:19

Ay-ayatoḵe susunud ḵan Kristu sosomḵonyu annae ibagaḵ, pion taḵu pasig taḵu andongoḻ yaḵon noan taḵu oḵyane an-ugud ya adi allasu sumang-an taḵu.

James 1:25

Yaḵon sa tagu we singsingtona ustuustu we lintoge amuḵay atta tagu ya pagapagatupana ḵoon, bindisyunan Apudyus atta losane ḵoona. Siya kalasin ni tagu we daḵampun aḵ abuse andongoḻ ya naliwatana dingngoḻna yaḵon ḵoona da dingngoḻna.

James 2:8

Nu tuttuwaonyu da ḵapatogane Ugud Apudyus we impaigilina si awe ye ḵanana, “Ḵasapuḻane ayatom da asintatagume isun ni an-aayatnu'tte long-agnu.” Nu pasigyu unudon annae ugud, ambaḻu da ḵoonyu.

James 5:10

Susunudḵu ḵan Kristu, unudonyu da profeta we an-ugud si ngadan Apu. Amod de anusdae nangiyattom atta ampaḵaḻaman.

James 5:7

Pun diḵayu we susunudḵu ḵan Kristu, ḵasapuḻane anusanyu da losane ampaḵaḻamanyu inggana'tte umaliyan Apu. Sosomḵonyu ḵad da mammaumae anusanda uuwayon umudanana ta ammuḻada ya anusanda bos uwayon umudanana ta dumaḵoḻ da ampatoge immuḻada inggana'ḵ dumatong an-apitanda.

James 5:9

Susunudḵu ḵan Kristu, adi ḵayu an-asingonot ta adin Apudyus diḵayu ḵuwison te madam-an dumaḵngan ni ḵangatuwane ḵuwis da losane tagu.

1 Peter 2:1

Pun an-awidanyu da losane ḵoḵoḵḵon. Ippun oḵyan tinutuli, apos, ḵapappaila ḵan diḵayu ya adiḵayu oḵyan an-ugud aḵ lawweng si mipanggob atta asintataguyu.