James 3:2 - Sa Ugud Apudyus

² Losan ḵan ditaḵu, adu angkamaliyan taḵu. Yaḵon sa tagu we ippun angkamaliyana'tte an-uugudna, naangsan te lamogna tupodon long-agna.

James 3:2 Iomraidhean Croise

Matthew 12:34

Diḵayu we ganaḵ ni uḻog! Ngai inonae ambaḻu da ugudonyu si gagangaye lawweng ḵayu? Te sa mapopompon atta somsomoḵyu, siya ugudon da sungadyu.

Matthew 12:37

Te da losane inugudyu, siya usaron Apudyus we anguwis ḵan diḵayu, ḵad sadi amanoḵnoḵ nu naḵabasuḻ ḵayu baḵon nu adiḵayupun.”

Romans 3:10

Te sa ḵanan ni nigili ye Ugud Apudyus, “Naippun tagu'ḵ naun-unan, taḵon ay ossaan.

Romans 7:21

Pun sa maawataḵ atte mataguwan taḵu nu pioḵe ḵoon ambaḻu, amo siya ḵooḵ lawweng.

1 Corinthians 9:27

Disiplinaoḵ long-agḵu ta adiḵ unudon da lawwenge piona ta magangput ḵade iwaḻagawagḵu'tta udum, adiyaḵpun maḵaan.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Galatians 5:17

Te da pipion da long-ag taḵu, misullagi si pipion ni Ispiritu Santu. Ḵad sa pipion ni Ispiritu Santu, misullagi bos atta pipion da long-ag taḵu. An-asisullagida, pun sana lamog taḵu adi angwaan atta pion taḵu ḵoon.

Colossians 1:28

Iwaḻagawagni'ḵ Kristu atta losane tagu we usaronni losane laingni ye amagbaga ya angituttudu'tta losane tagu ta da pammatida ippun oḵyan kurangna'tte antotollong Apudyus yaḵon amo maangsanda'tte niyossaananda ḵan Kristu.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

James 1:26

Nu awad osa'ḵ ḵananae angapudyus yaḵon adinapun tupodon delana, allelawona long-agna ḵad ippun anun ni angapudyusana.

James 1:4

Ḵad ḵasapuḻane pagatupanyu papigsaon pammatiyu inggana si anungus ta maangsan ḵayu ḵan bumaḻubaḻu ugaliyu inggana'ḵ ippun ogon kurangna.

James 2:10

Taḵon ay nu inunudyu da udume lintog ya nilisalisyu ossaan, sissiyae nilisalisyu da losane lintog.

1 Peter 3:10

Te ḵanan ni nigili ye Ugud Apudyus, “Nu pion ni tagu we gangganason biyag ya allaylayad, ḵasapuḻane adi an-ugud aḵ lawweng ya adi antultulli.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.