James 3:15 - Sa Ugud Apudyus

¹⁵ Sa annae ḵinalaing, daḵampun aḵ naḻpu'd langit. Yaḵon nainlubungan, dinidimunyu ya daḵampun aḵ naispirituwan.

James 3:15 Iomraidhean Croise

Luke 16:8

“Inigammun ḵad ni apuna, intaḻayagna sanae adipun mataḻgodane anḵeḵewwaaḻona si ḵinalaingnae namnammoḵ si iḵataguna. Te tuttuwae da tagu we adipun namati, nalaingdae angwa'tta inondae maḵaug-uggud atta udume tagu we isuna didae adipun nasilawan da somsomoḵda.

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Acts 13:10

Ḵanana, “Siḵa abeng Satan, siḵae ḵabusuḻ da losane naun-unan, pinus-annu da losane kalasin di sinisiḵap ya kinukuluk te ambalinom aḵ tinutuli ḵatuttuwaane Ugud Apudyus.

Romans 1:22

Ḵanandae nalaingda yaḵon nambalinda'ḵ dong-og.

1 Corinthians 1:27

Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ.

1 Corinthians 2:14

Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

1 Corinthians 3:19

Te sa nainlubungane ḵinalaing, dinodong-og ḵan Apudyus. Te awad de nigili ye Ugud Apudyus we ḵanana, “Sa usaron Apudyus aḵ angngogana'tta aginlalainge tagu, sa mismu we ḵinasiḵapda.”

1 Corinthians 3:3

te somsomoḵ da tagu si annae lubung da somsomoḵyu. Nu sissiyae awad de apos ya susubog ḵan diḵayu, daḵampun ḵamman aḵ siya angipailae unudonyu da pipion da long-agyu ya da ugalin da tagu si annae lubung?

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 11:3

Yaḵon umogyataḵ aḵ maallelaw somsomoḵyu ya maawis ḵayu'tta sabali ye tuttudu ḵad nan-awidanyu sipupusu ḵan ampoḻḵase somsomoḵyu ḵan Kristu we isuna naḵwa ḵan Eve we inallelaw ni uḻog.

Philippians 3:19

Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta.

2 Thessalonians 2:9

Yaḵon sa daannapun madadailan, inggaw ḵan siya ḵabooḻan Satan ya impailana da tinutuli ye nakaskasdaaw ya da sinyal,

1 Timothy 4:1

Nalawag imbagan ni Ispiritu Santu we sa umali ye aḻgaw, an-awidan da udume tagu ustu we pammatida. Ḵad siya patiyonda umallelawe ispiritu ya sa tuttudun da aḻan.

James 1:17

Aḵ Apudyus ad langit naḻpuwan da losane ambaḻu ḵan gattoḵe atod. Siya bos nangwa'tta losane sumilaw ad langit. Ḵad taḵon ay nu ambaliw ḵatollongan da sana, adipun paat ambaliw aḵ Apudyus.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

Jude 1:19

Dida da gapun ni magoggogwaanyu, siya ḵoonda da gagangaye pipion ni long-agda te naippun ḵan dida Ispiritu Santu.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 2:24

“ ‘Yaḵon diḵayu we udum ad Thyatira, adiḵayupun nampaidaḻan si annae lawwenge tuttuduna ya naippun inadaḻyu si ḵanandae naadaḻome tuttudun Satan. Pun adiḵpun ogon dog-an biline unudonyu.

Revelation 9:11

Sa arida ḵad, sa anghel we simbiyang si abute ippun patinggan ni ḵaadaḻomna. Sa ngadanna'tte Hinebrew, Abaddon ya Apollyon ngadanna'tte Grineek we sa pionda ugudon, Dumaddadail.