James 3:14 - Sa Ugud Apudyus

¹⁴ Yaḵon nu awad ḵan diḵayu amode apos ya ḵinnot, adiyu isḵaḻ ḵan sullagiyon ḵatuttuwaan.

James 3:14 Iomraidhean Croise

Matthew 27:18

Inimusna anna te inigammunae impuḻangda'ḵ Jesus ḵan siya gapu'tte aposda.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

Acts 26:9

“Taḵon ay saḵon atte awe, simsimmoḵḵu we ḵasapuḻane iggaḵ ḵabooḻaḵe sumullagi'tta namati ḵan Jesus we iNazareth.

Acts 5:17

Yaḵon da ḵangatuwane padi ya da losane grupun da Sadducee, amod de aposda'tta apostol.

Acts 7:9

“Da danaḵḵoḻ taḵu maaposda ḵan Joseph we sunudda woḵ ingnginada'tta udume tagu'd Egypt ta ambalin aḵ musassu sidi. Yaḵon awad aḵ Apudyus ḵan siya

Romans 1:29

Siya awad atta somsomoḵda da losane kalasin da lawweng. Ḵamommodda, maaposda. Pumappatoyda, subboganda, nasiḵapda ya pasige siya sosomḵonda ampaḵaḻamonda da buḻunda ya sungadanda.

Romans 13:13

Sa antatagu we ḵasapuḻane unudon taḵu, sa ampoḻḵas ḵan ambaḻu we mibagay atte tagu we awad si padda. Adi taḵu mabartek, adi taḵu maḵadagdagas ya adi taḵu ḵoon da udume ḵaḵaissawan ya ḵababbain ya adi taḵu ansusubog ḵan an-asiapos.

Romans 2:17

Diḵayu we Judyu, ḵananyu we antaḻgod ḵayu si angunudanyu si lintog. Ḵad isḵaḻyu bose tagun Apudyus diḵayu.

Romans 2:8

Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida.

1 Corinthians 13:4

Sa tagu we angayat atta asintataguna, naanus ya bumabbadang atta udum. Adipun maapos ya adipun os napasindayaw baḵon nu ansoḵaḻ,

1 Corinthians 3:3

te somsomoḵ da tagu si annae lubung da somsomoḵyu. Nu sissiyae awad de apos ya susubog ḵan diḵayu, daḵampun ḵamman aḵ siya angipailae unudonyu da pipion da long-agyu ya da ugalin da tagu si annae lubung?

1 Corinthians 5:2

Ḵad sissiyae ansoḵaḻ ḵayu! Siya oḵyan ḵoonyu idomdomyu ḵababbaine naḵwa ta paḻyawonyu ḵaḵnate tagu'tte gimungyu.

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

Galatians 5:15

Yaḵon nu isuyu da anggagangoḻe asu, ummanyu te ambanag atte an-asidadail ḵayu.

Galatians 5:20

Daydayawonda da sinan-apudyus, ambubuyun, andadawaḵ, sasangngaanda da asintataguda, subboganda, an-aḵ-aposda, mabusutda, ansoḵaḻda, adidapun an-asiinnawat ya ansisinada.

Galatians 5:21

An-aḵ-apaḻda, ambarbartekda, maḵaḵwada'tta mapatuḻ-ayane laylayad ya da udume isun da sana. Imbagabagaḵ ḵan diḵayu si awe ya anna bose ibagaḵe da angwa'tta isun da anna, adidapun gangganason da laḵsunda si midog-anda si ampangatan Apudyus.

Galatians 5:26

Adi taḵu oḵyan itaḻayag da long-ag taḵu ya adi taḵu oḵyan os ḵoon da banage angay-ay aḵ maḵapatoyanda ḵan ditaḵu ya adi taḵu an-asiapaḻ.

Galatians 6:13

Te taḵon ay didae nasogyatan, adidapun tuttuwaon da lintog Moses yaḵon piondae ampasogyat ḵayu ta awad isḵaḻdae nampasogyat ḵayu'tte gapu ḵan dida.

Philippians 1:15

Tuttuwae annat da angiwaḻagawag si mipanggob ḵan Kristu gapu si aposda ḵan maḵaas-asselanda ḵan saḵon. Yaḵon annat pos pagay da udume ambaḻu panggobda.

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.

1 Timothy 2:4

Te pionae mataguda losane tagu ya igammuwonda ḵatuttuwaan.

1 Timothy 6:4

Ḵad maḵwa igammuwome napasindayaw somsomoḵna yaḵon sa ḵatuttuwaan naippun igammuna. Da tagu we ḵaḵna, siya pionda maḵaduddunggaḻ ḵan maḵasubog atta banage ippun anuna. Ḵad siya ibungana apos, uḵ-usit, lilliḵud, lawwenge ansosomsomoḵ,

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

James 3:16

Te sa apos ḵan ḵinnot, dida maḻpuwan ni adimpun da tagu mauḻnusan ya da losane kalasin di ḵinalaweng.

James 5:19

Susunudḵu ḵan Kristu, nu awad osa ḵan diḵayu'ḵ an-awidana ḵatuttuwaan, ḵasapuḻane padasonyu ampauliyon.