James 2:9 - Sa Ugud Apudyus

⁹ Yaḵon nu laḵlaḵsigonyu da tagu we mibatay si ḵasasaadda, naḵabasuḻ ḵayu te nilisalisyu da sadi ye lintog.

James 2:9 Iomraidhean Croise

John 16:8

Ḵad nu umali, panoḵnoḵana'tta tagu we adipun namati ye nankamalida mipanggob atta basuḻda ya sa naun-unaḵ ya sa anḵuwisan Apudyus.

John 8:46

Ngai ḵan diḵayu anaḵdoḻe naḵabasuḻaḵ? Ippun! Nu ibagaḵ ḵatuttuwaan, ngaipayu adi patiyon nu?

John 8:9

Dingngoḻda ḵad ay insongbat Jesus, nasin-ossadae ummoyon, ummuna da anḵamaḻong-ag. Pun ummabus aḵ Jesus ya sa bubai ye sisiḵad.

Acts 10:34

Pun insaḻad Peter we nan-ugud woḵ ḵanana, “Tuttuwae maawataḵe aḵ Apudyus ippun laḵlaḵsigona'ḵ tagu,

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

1 Corinthians 14:24

Yaḵon nu siya ugudonyu da impaigammun Apudyus ḵan diḵayu ya awad adipun namati'ḵ maḵagimung ḵan diḵayu, sadi angigammuwanae siya ḵad ḵabasbassuḻan gapu'tta ibagayu ya sa ḵatuttuwaan. Ḵad maḵwae ḵuwisona long-agnae mibatay atta dingngoḻna.

Galatians 2:19

Te gapu si lintoge adiḵpun lamog unudon, inigammuḵe naḵoddonganaḵ aḵ matoy ya misinaaḵ ḵan Apudyus. Pun ibelangḵu we natoyaḵ mipanggob atte lintog ta mataguwaḵ para ḵan Apudyus.

1 John 3:4

Ḵad ngaimane bumasuḻ, lisalisona Lintog Apudyus te sa basuḻ lisalisona lintog.

Jude 1:15

ta umoyna ḵuwison da losane tagu. Dusaona da losane ḵabasbassuḻane adipun naapudyusan gapu'tta losane ḵingwadae lawweng ya da losane ampaite imbagada si nanullagiyanda ḵan siya.”