James 2:21 - Sa Ugud Apudyus

²¹ Daḵampun ḵamman ḵan Apudyus nangwa si naun-unan Abraham we daḵdaḵoḻ taḵu si nangiggaana ḵan Isaac we abengna si altar ta idatunna ḵan Apudyus?

James 2:21 Iomraidhean Croise

Matthew 12:37

Te da losane inugudyu, siya usaron Apudyus we anguwis ḵan diḵayu, ḵad sadi amanoḵnoḵ nu naḵabasuḻ ḵayu baḵon nu adiḵayupun.”

Matthew 3:9

Adiyu ḵanan atta somsomoḵyu we miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu, aḵ Apudyus lamogna ambalinon da annae batu'ḵ ganaḵ Abraham!

Luke 1:73

te sanat os gattoḵe inkarina ḵan Abraham we daḵdaḵoḻ taḵu

Luke 16:24

Pune sadi nampoḵaw woḵ ḵanana, ‘Ama Abraham, ḵadaguwanaḵ ḵappos ta ibuunnu'ḵ Lazarus ta ilinongna tammuduna'tte danum ta itodtodna si delaḵ ta matungninan. Te annan ummamdan ampaḵaḻamaḵ si apuy.’

Luke 16:30

“Ḵanan ni baḵnang, ‘Ama Abraham, potog sanat. Yaḵon nu awad oḵyan pagay maḻpu si igaw da natoy ya umoy ḵan dida, ibabawida da basuḻda ya agaydae angwa.’

John 8:39

Ḵanandae summongbat, “Aḵ Abraham amani.” Ḵanan os Jesus, “Nu tuttuwae diḵayu da ganaḵ Abraham, ḵoonyu oḵyan da ambaḻu we isun ni ḵingwana.

John 8:53

Nangatngatuḵa ḵamman nu aḵ Abraham we daḵdaḵoḻ taḵu baḵon nu da profetan Apudyus? Natoyda losan. Ngai anomsomḵam si long-agnu?”

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Romans 4:1

Sosomḵon taḵu ḵad aḵ Abraham we daḵdaḵoḻ taḵu we Judyu. Ngai inon Abraham we nibelang aḵ naun-unan ḵan Apudyus?

Romans 4:12

Ḵad siya nambalin aḵ aman da losane Judyu we nasogyatan ya inunudda bos pammatin Abraham atte daanna masogyatan.

Romans 4:16

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Hebrews 11:17

Gapu'tte pammatin Abraham, indatunna'ḵ Isaac we abengna si namappadasan Apudyus ḵan siya. Inawatna inkarin Apudyus woḵ naḵasaganae angidatun si ossaane abengna,

James 2:18

Yaḵon ḵanan ni osa, “Awad de pammatim ḵad awad os ambaḻu we gunayḵu.” Annaya isongbatḵu, “Ipailam ḵan saḵon pammatime naippun gunay ḵad ipailaḵ os pammatiḵ mipagapu si ambaḻu we gunayḵu.”

James 2:24

Pun igammu taḵu we aḵ Apudyus angwa si maun-unan da tagu gapu'tta gunayda, daḵampun atte pammatidae abus.