James 2:14 - Sa Ugud Apudyus

¹⁴ Susunudḵu ḵan Kristu, ngai maganab ni tagu we angibagae awad de pammatina yaḵon adipun mipaila si gunayna? Taguwon ḵamman ni pammatina?

James 2:14 Iomraidhean Croise

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Luke 3:11

Ḵanana, “Ngaimane duwa silupna, ittona oḵyan osa'tte ippun silupna. Ḵad sa ansawaḻ aḵ maḵan, angitod oḵyan atta ippun ḵanonda.”

Luke 6:49

Yaḵon sa andongoḻ ya adinapun igunay, isuna tagu we nantaḵad aḵ boḻoyna ya adinapun insaad si labaw ni batu. Pun tinoddaḵ ḵad ni danum boḻoyna, ḵawagase niwaḵas.”

Acts 15:9

Ippun laḵsigon Apudyus ḵan ditaḵu ya dida te pinapoḻḵasna somsomoḵda mipagapu'tte pammatida.

Acts 8:13

Taḵon ay aḵ Simon namati woḵ nampabonyag. Pune sadi nibuḻun ḵan Philip atta dinumane ayana te nataag atta nakaskasdaaw ya sinyale ḵingwana.

Acts 8:21

Ippun biyangnu'tte ḵewaaḻni te daḵampun aḵ ustu ansosomsomoḵnu si sinagung Apudyus.

Romans 2:25

Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan.

1 Corinthians 15:2

Ḵad sadi bos damage mataguwanyu nu popotpotanyu da pammatiyu nu tuttuwae mibatay pammatiyu si intuttuduḵ ḵan diḵayu.

1 Corinthians 16:22

Nu ngaimane adipun angayat ḵan Apu taḵu, aaddi ye madusa ḵan Apudyus. Umaliḵa, Apu.

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

1 Timothy 4:8

Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

Hebrews 11:17

Gapu'tte pammatin Abraham, indatunna'ḵ Isaac we abengna si namappadasan Apudyus ḵan siya. Inawatna inkarin Apudyus woḵ naḵasaganae angidatun si ossaane abengna,

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

James 1:16

Pun susunudḵu ḵan Kristu we ay-ayatoḵ, adi ḵayu maallelaw.

James 2:16

ya awad angibaga ḵan siya ḵanane, “Inḵan lumin-awa somsomoḵnu, adiḵa maḵumog ya mamassugḵa oḵyan.” Yaḵon adinapun itton da ḵasapuḻana, awad ḵamman anun ni imbagana?

James 2:18

Yaḵon ḵanan ni osa, “Awad de pammatim ḵad awad os ambaḻu we gunayḵu.” Annaya isongbatḵu, “Ipailam ḵan saḵon pammatime naippun gunay ḵad ipailaḵ os pammatiḵ mipagapu si ambaḻu we gunayḵu.”

James 2:26

Te igammu taḵu we sa long-age naippun angosna natoy ḵad sa pammati ye naippun gunay, natoy os.

2 Peter 1:5

Ḵad gapu'tte sana, iggayu ḵabooḻanyu ta idogayu si pammatiyu ambaḻu we ugali ḵad sa ambaḻu we ugali, dog-anyu si angigammuwanyu si mipanggob ḵan Apudyus.