James 2:1 - Sa Ugud Apudyus

¹ Susunudḵu ḵan Kristu, adiyu laḵlaḵsigon da tagu nu amati ḵayu ḵan Apu Jesu Kristu we madaydayaw ḵan ḵangatuwane Apu.

James 2:1 Iomraidhean Croise

Matthew 22:16

Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Acts 10:34

Pun insaḻad Peter we nan-ugud woḵ ḵanana, “Tuttuwae maawataḵe aḵ Apudyus ippun laḵlaḵsigona'ḵ tagu,

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 24:24

Naḻaḵpus ḵad pigan aḻgaw, dummatong da Felix ḵan asawanae Drusilla we Judyu. Impaayagna'ḵ Paul ta dongngonda ibagana mipanggob atte pammati ḵan Jesu Kristu.

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

Romans 1:11

Te pioḵ pagaye ilaḵ diḵayu ta maḵabillayaḵ ḵan diḵayu si bindisyune naḻpu si Ispiritu Santu ta pumigsa pammatiyu.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

Colossians 1:4

te dingngoḻni mipanggob atte pammatiyu ḵan Jesu Kristu ya sa ayatyu'tta losane tagun Apudyus.

1 Timothy 1:19

Sa maḵagubatam atta sanae lawweng, pagatupam gogomgoman pammatim ya sa ampoḻḵase somsomoḵ. Te awad da udume tagu we iwwalinda ampoḻḵase somsomoḵ ya paate nadadail pammatida.

1 Timothy 5:21

Bilinoḵ siḵa'tte sinagung Apudyus ya aḵ Jesu Kristu ya da nadutuḵane anghelna ta tuttuwaom da annae ibagaḵ. Ḵad ippun oḵyan piliyam yaḵon an-iisuwom da losane tagu.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

James 1:16

Pun susunudḵu ḵan Kristu we ay-ayatoḵ, adi ḵayu maallelaw.

James 1:19

Ay-ayatoḵe susunud ḵan Kristu sosomḵonyu annae ibagaḵ, pion taḵu pasig taḵu andongoḻ yaḵon noan taḵu oḵyane an-ugud ya adi allasu sumang-an taḵu.

James 2:3

Ḵad siya tinungaguyu baḵnang ya ḵananyu we, “Awwaynu ta tumuḵduḵa si annae ambaḻubaḻu we tugaw.” Yaḵon ḵananyu si ḵapus, “Sumisiḵadḵa si andi,” baḵon nu “Tumuḵduḵa'tte pad-ing.”

James 2:9

Yaḵon nu laḵlaḵsigonyu da tagu we mibatay si ḵasasaadda, naḵabasuḻ ḵayu te nilisalisyu da sadi ye lintog.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

Jude 1:16

Da sanae tagu, pasigda ngumonongonot ya ippun pulus ḵat-opanda. Siya ḵoonda da lawwenge pipion da long-agda. Isḵaḻda da long-agda ya allelawonda da buḻunda ta aḻanda da pipionda.

Revelation 14:12

Siya gapunae ḵasapuḻane iyattom da tagun Apudyus we anuttuwa'tta bilinna ya angipapati si pammatida ḵan Jesus.