James 1:22 - Sa Ugud Apudyus

²² Ḵasapuḻane tuttuwaonyu ibagan ni Ugud Apudyus ya adiyu dongngone abus. Te nu abus dongngonyu ya adiyupun ḵoon, allelawonyu da long-agyu.

James 1:22 Iomraidhean Croise

Matthew 12:50

Te ngaimane angwa si pinion Amaḵ ad langit, dida da mibelang aḵ inaḵ ḵan susunudḵu.”

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Luke 11:28

Dingngoḻ ḵad Jesus ḵanana, “Amo pian da angogomgom atta dingngoḻdae Ugud Apudyus!”

John 13:17

Nu igammuyu da anna, pian ḵayu nu ḵoonyu dida.

Romans 2:13

Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana.

1 Corinthians 15:33

Yaḵon adi ḵayu maallelaw atta ḵassadi te tinutuli. Ḵad tuttuwa ḵanandae, “Nu maḵabuḻbuḻun taḵu'tta tagu, maalisan taḵu'tta maḵadadaile ugalida.”

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

Galatians 6:3

Nu awad angibelang aḵ awad de ḵabooḻana baḵon nu nangatu ḵasasaadna yaḵon daḵampun aḵ tuttuwa, allelawonae mismu long-agna.

Galatians 6:7

Adiyu allelawon da long-agyu te aḵ Apudyus adipun maḵwae maang-angyag. Nu ngai imuḻan ni tagu, siya bos apitona.

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

James 1:26

Nu awad osa'ḵ ḵananae angapudyus yaḵon adinapun tupodon delana, allelawona long-agna ḵad ippun anun ni angapudyusana.

James 4:11

Susunudḵu ḵan Kristu, adi ḵayu an-asiamsew. Nu amsewonyu asintataguyu baḵon nu ḵuwisonyu dida, amsewonyu ya ḵuwisonyu lintog. Nu ḵuwisonyu, adiyupun ogon tuttuwaon lintog yaḵon nambalin ḵayu'ḵ ḵuwis.

James 4:17

Pun sa tagu we igammuna ustu we maḵwa yaḵon adinapun ḵoon, maḵabasuḻ.

2 Peter 2:13

Ampaḵaḻamda gapu'tta ḵoḵoḵḵonda. Ibelangdae gangganas angwaanda'tta losane ḵababbain, ḵaissawe amaamayon ni long-agda taḵon ay aḻgaw. Mipanida si mansae angaissaw si silup ya allaylayaddae angallelaw ḵan diḵayu si midog-anda ḵan diḵayu we angan. Ḵad pagapagatupandae anggangganas atta matuḻ-ayane gangganase maḵaallelaw.

1 John 1:8

Nu ḵanan taḵu we naippun basuḻ taḵu, allelawon taḵu we mismu da long-ag taḵu ya sa ḵatuttuwaan naippun ḵan ditaḵu.

1 John 2:3

Nu tuttuwaon taḵu da bilin, naippun duwaduwanae igammu taḵu'ḵ Apudyus.

1 John 3:7

Aabengḵu, ummanyu ta adi ḵayu paallelaw. Ngaimane amagapagatupe angwa'tta maun-unan, sanat tagu we naun-unane isun Kristu.

3 John 1:11

Ay-ayatoḵe buḻbuḻun, adim unudon da angwa'tta lawweng yaḵon unudom da angwa'tta ambaḻu. Te da angwa'tta ambaḻu, dida da abeng Apudyus yaḵon da angwa'tta lawweng ippun igammuda ḵan Apudyus.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 22:7

Pune sadi ḵanan Jesus, “Dongngonyu anna. Madam-an angulinaḵ. Pian tagu we tuttuwaona da ngaimane nipadtu si annae iblu.”