James 1:14 - Sa Ugud Apudyus

¹⁴ Yaḵon masulisug sin-ossaossae tagu nu maawis atta amaamayona.

James 1:14 Iomraidhean Croise

Matthew 15:18

Yaḵon sa tumoḵwaḻ si sungadna, maḻpu'tte pusuna ya siya mibelang aḵ angaissaw ḵan siya si antotollong Apudyus.

Matthew 15:20

Sana da mibelang aḵ angaissaw atte tagu si antotollong Apudyus. Yaḵon sa tagu we angane adipun ambuḻu, daḵampun aḵ sanat da mibelange angaissaw ḵan siya si antotollong Apudyus.”

Matthew 4:1

Pune sadi, impuyut ni Ispiritu Santu aḵ Jesus atte bumbummaaw ta padason Satan sulisugon.

Matthew 5:28

Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna.

Romans 7:11

Te sa basuḻ, ginundawayana lintog woḵ inallelawna saḵone nambanag si matoyaḵ.

Romans 7:13

Piona ḵad ain ḵanane sa ambaḻu we lintog siya gapun ni matoyaḵ? Naid! Te sa mismu we basuḻḵu gapun ni matoyaḵ. Mipagapu si ambaḻu we lintoge igammu taḵu we ḵoon taḵu we lawweng, basuḻ ḵad ambanag si ḵatoy. Ḵad mipagapu si bilin mipaila ummamdane basuḻ taḵu.

Ephesians 4:22

Pun ḵasapuḻane ḵaanonyu da dadaane ugaliyu we nangidaḻan atte biyagyu we angwa'tte pinion ni long-ag. Sanat dadaane ugaliyu we angallelaw ya anadail ḵan diḵayu.

Hebrews 3:13

Yaḵon sa ḵoonyu, inaḻgaw oḵyane an-asisoḻgag ḵayu si awad timpuyu ta ippun maallelaw ḵan diḵayu'ḵ maḵabasuḻ ya tumungitong da somsomoḵyu.

James 1:13

Nu masulisug tagu, adina oḵyan ḵanane aḵ Apudyus nanulisug ḵan siya. Te aḵ Apudyus, adipun masulisuge angwa'ḵ lawweng ya amo daḵampun aḵ siya anulisug atta ngaimane tagu.

James 1:15

Ḵad nu lumamut ya tumubu sanate amaamayona, siya ibungana basuḻ. Ḵad nu dumaḵodaḵoḻ sanate basuḻ, siya ibungana ḵatoy.