Colossians 3:4 - Sa Ugud Apudyus

⁴ Aḵ Kristu siya mataguwanyu ḵad nu ampaila, midoga ḵayu bos ḵan siya si madayawana ḵan ḵinangatuna.

Colossians 3:4 Iomraidhean Croise

Matthew 13:43

Yaḵon da naun-unane tagun Apudyus, allangḻangdae isun di init si ampangatan Amada. Diḵayu we andodongngoḻ, sosomḵonyu da dingngoḻyu.”

Luke 17:30

Sanat iissun ni maḵwa si aḻgawe ampail-an ni Abeng Di Tagu.”

John 11:25

Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

John 14:3

Ḵad nu iyyaḵ isagana inggawanyu, mipauliyaḵ ḵasin ta aḻaḵ diḵayu ta sa igawḵu siya bos inggawanyu.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

Acts 3:15

Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

Romans 8:18

Te ibelangḵu we sa ampaḵaḻaman taḵu sinsadi ye timpu sina'd luta, ippun miyisuwana si ḵabaḻuwane antatagu ḵan Apudyus ad langit si umali ye aḻgaw.

Romans 8:19

Te da losane ḵingwan Apudyus, uuwayonda timpu we angipail-an Apudyus atte ḵinangatun da abengna.

1 Corinthians 1:7

ta ippun angkuranganyu'tta ngaimane naispirituwane ḵabooḻan si anguuwwayanyu'tte mipauliyan Apu taḵu we Jesu Kristu.

1 Corinthians 15:43

Ḵad sa long-ag taḵu we milibon, lawweng ḵatollongana ḵan naippun ḵabooḻana. Yaḵon sa long-age taguwon Apudyus ḵasin, nabaḻbaḻu ya anna ḵabooḻana.

2 Corinthians 4:17

Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

1 Thessalonians 4:17

Ḵade sadi, ditaḵu we matattagu we natenan, midisan taḵu ḵan dida mipangatu ta intaḵu miyabot ḵan Apu si libuu. Ḵad nu maabus, inggaw taḵu ḵan siya'ḵ inggainggana.

1 Timothy 6:14

Ḵasapuḻane tuttuwaom da losane bilin Apudyus ya ilam ta ippun miḵawas si ituttudum baḵon nu ippun ipabasuḻda ḵan siḵa inggana si mipauliyan Apu taḵu we Jesu Kristu.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.

1 John 2:28

Pun sinsadi, diḵayu we aabengḵu, iinggaw ḵayu ḵan siya ta ippun umogyatan taḵu ḵan mabainan taḵu nu ḵasin umali.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

1 John 5:12

Pun ngaimane awatona abeng Apudyus, awad ḵan siya biyag aḵ inggana. Yaḵon da adipun angawat atte Abeng Apudyus, naippun ḵan dida biyag aḵ inggana.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.

Revelation 2:7

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog atta losane kalasin di lawweng, ittoḵ ḵan dida ḵaḻabbongane angan atte bungan ni ḵayu we angitod si biyage awad si igaw Apudyus ad langit.’ ”

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 22:14

“Pian da tagu we anaḵsaḵ atta langgoyode silupda te awad de ḵaḻabbongandae lumnoḵ atte lewangan ni sadi ye siyudad ḵan angan atte bungan ni ḵayu we angitod si biyag.