Acts 7:8 - Sa Ugud Apudyus

⁸ Pun imbilin Apudyus ḵan Abraham we ḵasapuḻane sogyatanda da abengdae laḻaḵi aḵ sinyal ni intuḻagna ḵan dida. Pun niyanaḵ ḵad aḵ Isaac we abeng Abraham, nasogyatan atte ḵawaḻun aḻgawna. Ḵingwan os Isaac atte abengnae aḵ Jacob, ḵingwan os Jacob atta nasawaḻan aḵ duwae abengnae lallaḻaḵi ye da danaḵḵoḻ taḵu.

Acts 7:8 Iomraidhean Croise

Matthew 1:2

Aḵ Abraham aman Isaac. Aḵ Isaac aman Jacob. Aḵ Jacob aman Judah ya da sunudna.

John 7:22

Innatod Moses lintoge inawatna'tta danaḵḵoḻnae ḵasapuḻane sogyatanyu abengyu we laḻaḵi si ḵumawaḻu we aḻgaw. Pun nu niyaspuḻ ḵumawaḻu we aḻgaw ni abeng atte umillongan, isunae sogyatanyu.

Acts 2:29

Pun ḵanana, “Susunudḵu we ganaḵ Israel, antaḻgodaḵe angipaigammu ḵan diḵayu we aḵ Ari David we daḵdaḵoḻ taḵu natoy woḵ nilibon. Ḵad sa libonna awad ḵan ditaḵu inggana sinsanae aḻgaw.

Romans 4:10

Ḵamaan ni naḵwaan ni sana? Sa daan Abraham masogyatan baḵon nu sa nagangputana, imbelang Apudyus aḵ naun-unan.

Galatians 3:15

Susunudḵu ḵan Kristu, sosomḵonyu ḵad annae pani ye mipaniyan ni inkarin Apudyus ḵan Abraham. Sa ugali taḵu we tagu, nu awad tuḻagan aḵ napilmaane ustu, adipun maḵwae lisalison baḵon nu dog-an.

Galatians 3:17

Annaya pioḵ ḵanan: Naḵatuḻag aḵ Apudyus ḵan Abraham woḵ inkarinae ituttuwana sanate tuḻag. Sa lintoge naitod atte naḻaḵpus opat gasut ya tuḻumpuḻu we tawon, adimpun ni sanate tuḻag lamog lisalison inkarin Apudyus.

Hebrews 7:4

Ilan taḵu ḵad ḵinangatun Melchizedek taḵon ay aḵ Abraham naḻpuwan da Judyu, innatodna ḵan Melchizedek ḵasimpuḻun da sinamsamda.